បន្ទាយមានជ័យ : ព្រោះតែភ្លើងប្រចណ្ឌធ្វើអោយភរិយាស្វាមីថ្មីថ្មោងមួយគូមានជម្លោះទាស់ទែងគ្នារហូតកើតមានជាអំពើឃាតកម្មប្តី
សម្លាប់ប្រពន្ធ បង្កជាការភ្ញាក់ផ្អើលដល់អ្នកភូមិនិងសមត្ថកិច្ច។ ហេតុការណ៍ភ្ញាក់ផ្អើលកើតឡើងនៅព្រឹកថ្ងៃទី២៨ខែកញ្ញា២០១៨នៅភូមិត្រសេកជ្រុំឃុំនិងស្រុកម៉ាឡៃខេត្តបន្ទាយមានជ័យ។
ជនរងគ្រោះត្រូវបានគេស្គាល់ថាឈ្មោះ ឃ្លកថាញ់ ភេទស្រី អាយុ៤៣ឆ្នាំរស់នៅក្នុងភូមិឃុំកើតហេតុខាងលើ។ជនរងគ្រោះមានរបួសជាំពេញខ្លួននិងស្នាមអុចជាច្រើនកន្លែងសង្ស័យដោយភ្លើងបារី។
ករណីឃាតកម្មនេះត្រូវបានគេដាក់ការសង្ស័យថាជាស្នាដៃរបស់បុរសជាប្តីឈ្មោះ ទុង ថា អាយុ៤៧ឆ្នាំ។អ្នកភូមិបាននិយាយឲ្យដឹងថាជនរងគ្រោះនិងជនសង្ស័យទើបតែស្រឡាញ់និងយកគ្នាជាប្តីប្រពន្ធបានប្រហែល៣ខែប៉ុណ្ណោះ។
អ្នកភូមិបន្តថានៅយប់ថ្ងៃទី២៤ខែកញ្ញាប្តីប្រពន្ធមួយគូនេះបានឈ្លោះប្រកែក ជេរបញ្ចោគ្នាស្ទើរពេញមួយយប់បន្ទាប់ពីវិលត្រឡប់មកពីលេងផ្ទះបងប្អូនវិញ។ នៅក្នុងជម្លោះនោះដែរក៏កើតមានអំពើហឹង្សាផងដែរ លុះព្រឹកឡើងក៏គេមិនបានឃើញស្រ្តីរងគ្រោះចុះពីផ្ទះផងដែរ។ ក្រោយជម្លោះគេតែងឃើញបុរសជាប្តីទិញនំចំណីនិងបីប្រពន្ធចុះឡើងមុជទឹក។
បងប្អូនប្រជាពលរដ្ឋបានលើកឡើងថាការស្លាប់របស់ស្ត្រីរគ្រោះអាចបណ្តាលមកពីក្រំគ្រាធ្ងន់ធ្ងរដោយការវាយដំពីសំណាក់ប្តីកំណាច។ នៅព្រឹកើតហេតុបុរសជាប្តីក៏បានខ្ចីម៉ូតូអ្នកភូមិជិះចេញទៅបាត់ ដោយសង្ស័យអ្នកភូមិក៏ឡើងទៅលើផ្ទះក៏ឃើញស្ត្រីជាប្រពន្ធដេកស្លាប់ម្នាក់ឯង រួចក៏រាយការណ៍ទៅសមត្ថកិច្ច។
សូមបញ្ជាក់ថា បុរសជាប្តីក្រោយគេចខ្លួនបាត់ក៏ត្រូវកម្លាំងនគរបាលខេត្តពោធិសាត់ចាប់ខ្លួនបញ្ជូនមកអោយស្នងការខេត្តបន្ទាយមានជ័យវិញដើម្បីចាត់ការតាមនីតិវិធី។
