ខេត្តកំពង់ធំ៖ ឯកឧត្តម មេបញ្ជាការតំបន់ប្រតិបត្តិការសឹករងកំពង់ធំ បានអញ្ជើញចុះពិនិត្យស្ថានភាពទីតាំង សម្រាប់ការសាងសង់អគារសម្រាប់ស្នាក់នៅនិងធ្វើការ និងប្រគល់ស៊ីម៉ង់៣តោន សម្រាប់សាងសង់ អាគារប្រចាំបញ្ជាប្រចាំការស្ថិតនៅក្នុងបរិវេណ វេរសេនាតូចលេខ១ ស្ថិតក្នុងភូមិតាឡែកថ្មី ឃុំសាលាវិស័យ ស្រុក ប្រាសាទបាល្ល័ង្គ ខេត្តកំពង់ធំ នៅព្រឹកថ្ងៃទី ១៥ ខែតុលា ឆ្នាំ ២០១៨។
អាគារដែលគ្រោងនឹងសាងសង់ ដែលមានទំហំ ១៩៥ម ម៉ែត្រការ៉េ សម្រាប់យោធិនស្នាក់នៅនិងធ្វើការងារ ដែលជាជំនួយឧបត្ថម្ភ របស់បញ្ជាការដ្ឋានយោធាទីក្រុងហូជីមីញ នៃសាធារណរដ្ឋសង្គមនិយមវៀតណាម ព្រមទាំងបានប្រគល់ស៊ីម៉ងត៍ចំនួន៣ តោន ដែលជាអំណោយឯកឧត្ដមឧត្ដមសេនីយ៍ឯកហ៊ុន ម៉ាណែត មេបញ្ជាការកងទ័ពជើងគោក ជូនអង្គភាពវរសេនាតូចលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ សម្រាប់សាងសង់ប្រចាំបញ្ជាប្រចាំការ មួយខ្នងទំហំ ៣៦ម៉ែត្រការ៉េ ធ្វើពីបេតុងប្រក់ក្បឿងថៃ ។
សកម្មភាពនៃការសាងសង់អាគារនីមួយៗ នៅក្នុងបញ្ជាការដ្ឋានវេរសេនាតូចលេខ១ ចំណុះឲ្យតំបន់ប្រតិបត្តិការសឹករងកំពង់ធំ គឺសុទ្ធសឹងតែជាស្នាដៃរបស់កងកម្លាំង នៃកងយោពលខេមរភូមិន្ទ ដែលត្រូវបានបណ្តុះ បណ្តាលឲ្យកងកម្លាំងយើងមានជំនាញ ក្នុងការងារសំណង់គ្រប់បច្ចេកទេស រួមទាំងបានជម្រុញមានការដាំដុះបន្លែបង្កានិង ចិញ្ចឹមសត្វ ដើម្បីកាត់បន្ថយការចំណាយ នៅក្នុងអង្គភាព ។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា ក្រោមកិច្ចសហការ ជាមួយប្រទេសភាគគីមិត្ត គឺលទ្ធផលទទួលបានផ្លែផ្កាជាច្រើន ក្នុងការជួយគ្នាទៅវិញ ទៅមក ជាក់ស្តែងអាគារសម្រាប់ធ្វើការ ចំនួន១០ខ្នង ដែលជាជំនួយឧបត្ថម្ភ របស់បញ្ជាការដ្ឋានយោធាទីក្រុងហូជីមីញ នៃសាធារណរដ្ឋសង្គមនិយមវៀតណាម ជូនដល់ផ្នែកសឹករងស្រុកក្រុង និងវេរសេនាតូចទាំង២ គឺជាការចាប់ពិនិត្យស្ថានភាពដី និងទីតាំងដែលត្រូវបានសាងសង់ជាបណ្តើរហើយ ។
នៅព្រឹកថ្ងៃដដែល ឯកឧត្តម ឧត្តមសេនីយ៍ទោ សោម ស៊ុន បានឆ្លៀតឳកាស នាំយកថវិការទៅប្រគល់ជូន លោកយាយ តេង ហ៊ិម អាយុ ៨៤ឆ្នាំ ដែលកូននិងប្តីចំនួន១៣នាក់ ត្រូវបានស្លាប់ក្នុងរបបប្រល័យពូជសាសន៍ប៉ុលពត និងរស់នៅគ្មានសាច់ញាតិ ក្រោយពីមានការអំពាវនាវ គឺមានសម្បុរជនជិតឆ្ងាយ បានផ្តល់ថវិកាសរុប ៨៥ម៉ឺនរៀល និងអង្ករ៥០គ.ក នៅភូមិត្រពាំងឬស្សី ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
លោកយាយ តេង ហ៊ិម បានសម្តែងនូវក្តីរំភើបត្រេតអរ ខ្លាំងណាស់ ដែលជិតមួយជីវិតលោកយាយមកហើយ ពុំដែលស្គាល់លុយច្រើនបែបនេះទេ លោកយាយបាននិយាយថា ថវិកាដែលបានមកនេះ គឺលោកយាយ ពុំបានទៅប្រើការអ្វីនោះទេ គឺសម្រាប់តែធ្វើបុណ្យទាំងអស់ ហើយក៏បានបន់ស្រន់ឲ្យអ្នកមានបុណ្យទាំងអស់ ដែលបានជួយជីវិតលោកយាយ ជួបប្រទះតែសេចក្តីសុខ សេចក្តីចំរើន ។ ដោយ ប៊ុន រដ្ឋា