កំពង់ធំ៖ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជាការតំបន់ប្រតិបត្តិ ការសឹករងកំពង់ធំ បានអញ្ជើញជាអធិបតីភាព បញ្ចុះបឋមសិលាសាងសង់ក្លោងទ្វារ វត្តពោធិរោង ព្រះតេជព្រះគុណ ស៊ឹម ញ៉ឹល ព្រះគ្រូចៅអធិការវត្តពោធិរោងនិងអជ្ញាធរដែនដី និងប្រជាពលរដ្ឋ សិស្សានុសិស្ស ស្ថិតនៅ ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី ១៦ ខែតុលា ឆ្នាំ ២០១៨ ។
ប្រធានក្រុមប្រឹក្សាឃុំបន្ទាយស្រុកស្ទោង បានបញ្ជាក់ពីភូមិសាស្រ្តឃុំ ដែលមានផ្ទៃដីសរុប ៥៥៥០ហិចតា ប្រជាពលរដ្ឋសរុប ១១.៩៨០នាក់ មានវត្តចំនួន៥ ព្រះសង្ឃ៤៧អង្គ មានប៉ុស្ត៍រដ្ឋបាលមួយ មន្រ្តីនគតបាល ៧នាក់ ប្រជាការពារ១៥ក្រុម ស្មើរនឹង១៤៥នាក់ ត្រូវបានបំពាក់ឯកសណ្ឋានជូនប្រជាការពារ ១៤៥កំប្លេរ និងវិទ្យុទាក់ទង ៦៤គ្រឿង ។
ឯកឧត្តម ឧត្តមសេនីយ៍ទោ សោម ស៊ុន បានបំពេញកាតព្វកិច្ចជាពុទ្ធសាសនិកជន ចូលរួមក្នុងកម្មវិធីបញ្ចុះបឋមសិលាសាងសង់ក្លោងទ្វារនៅវត្តពោធិរោង តាមការសំណូមពរ របស់ព្រះតេជគុណ ព្រះចៅអធិការវត្តពោធិរោង ឯកឧត្តមបានបញ្ជាក់ថា កំណើតសាសនាព្រះពុទ្ធ គឺមានអាយុជាង ២៥០០ឆ្នាំ ដែលមានវ័យចំ ណាស់ជាងគេ តែគ្រប់សាសនាត្រូវបានលុបបំបាត់ចោល ក្នុងរបបបនក្បត់ប្រល័យពូជសាសន៍ ប៉ុលពត ក្នុងរយះពេល៣ឆ្នាំ៨ខែ ២០ថ្ងៃ តែគ្រប់សាសនា ត្រូវបានចាប់កំណើតសារជាថ្មីនៅក្នុងប្រទេសកម្ពុជា នៅថ្ងៃ ៧មករា ឆ្នាំ ១៩៧៩ ក្រោមការដឹកនាំរបស់ ប្រមុខរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា ។
ឯកឧត្តម ឧត្តមសេនីយ៍ទោ សោម ស៊ុនបានឲ្យដឹងថាបច្ចុប្បន្នវិស័យព្រះពុទ្ធសាសនា មានការរីកចំរើនយ៉ាងឆាប់រហ័សនៅគ្រប់ទិសទី រួមទាំងសាសនាដ៏ទៃទៀត ដែលនៅក្នុងប្រទេសកម្ពុជា ក៏មានការគាំទ្រពីសំណាក់ ថ្នាក់ដឹកនាំ ដើម្បីឲ្យប្រជាពលរដ្ឋ ដែលប្រកាន់ភ្ជាប់នូវសាសនានានា មានសិទ្ធិពេញលេញក្នុងការ បំពេញប្រិបត្តិតាមសាសនារាងៗខ្លួន ក្នុងឳកាសនោះដែរ ឯកឧត្តម បានថ្លែងអំណរគុណ ចំពោះបងប្អូនប្រជាពលរដ្ឋ ទាំងអស់ ដែលបានអញ្ជើញចេញទៅបោះឆ្នោត បានច្រើនយ៉ាងសន្ធឹកសន្ធាប់ ក្នុងកាតព្វកិច្ចជាប្រជា ពលរដ្ឋខ្មែរ ក្នុងពិធីបញ្ចុះបឋមសិក្សា ថ្នាក់ដឹកនាំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ រួមជាមួយសប្បុរសជន បានប្រគេនព្រះសង្ឃនូវស៊ីម៉ងត៍ចំនួន០២ តោន និងបច្ច័យចំនួន ១,៣១,០០០រៀល (មួយលានបីសែនមួយម៉ឺនរៀល)សម្រាប់កសាងក្លោងទ្វារនេះ វត្តពោធិ៍រោង ។
ដោយ ប៊ុន រដ្ឋា