ខេត្តកំពង់ធំ៖ ខ្នងផ្ទះលើកទី៩៦ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ត្រូវបានប្រគល់ជូន គ្រួសារអតីតយុទ្ធជនពលី ឈ្មោះពៅ ណូ អាយុ៤៦ឆ្នាំ មានកូនចំនួន ០៤ នាក់ នៅក្នុងបន្ទុក គឺជាភរិយាអតីតយុទ្ធជនពលីឈ្មោះ ជន ប៊ុនធឿន ឋានន្តរសក្ដិពលបាលទោនៅអង្គភាពវរសេនាតូចលេខ៥៥ នែយោធាខេត្តកំពង់ធំ បច្ចុប្បន្នរស់នៅភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ ។
ផ្ទះមួយខ្នងនេះ ត្រូវបានចុះប្រគល់ផ្ទាល់របស់ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជា ខេត្តកំពង់ធំ តាមរយៈ ឯកឧត្តម នាយឧត្តមសេនីយ៍ ទេសរដ្ឋមន្រ្តី គន់ គីម អគ្គលេខាធិការសមាគមអតីតយុទ្ធជនកម្ពុជា សម្រាប់ជួយដល់ ក្រុមគ្រួសារ អតីតយុទ្ធជន ដែលមានដី-គ្មានផ្ទះ និងមានផ្ទះរស់នៅមិនសមរម្យ ត្រូវបានដោះស្រាយជូន ដោយមិនទុកឲ្យ លំបាក់វេទនាដោយសារមើលមិនឃើញពីអាជ្ញាធរនោះឡើយ ដែលជាការផ្តាំផ្ញើរ របស់សម្តេចអគ្គមហាសេនាបតីតេជោ ហ៊ុន សែន ឲ្យអាជ្ញាធរ មន្រ្តីរាជការ ខិតខំបំរើជាតិ បំរើប្រជាពលរដ្ឋឲ្យទ្វេរដង មានប្រសិទ្ធិ ភាពល្អកាលពី ថ្ងៃទី១៦ ខែតុលា ឆ្នាំ២០១៨ ។
ឯកឧត្តម ឧត្តមសេនីយ៍ទោ សោម ស៊ុន បានមានប្រសាសន៍ថា ផ្ទះថ្មីដែលទើបតែសាងសង់រួច គឺមានទំហំ ៤ម៉ែត្រx៦ ម៉ែត្រ ជញ្ជាំង និងរនាបក្តារ ដំបូលប្រក់ស័ង្កសី សាងសង់ខ្ពង់ផុតពីដី ជណ្ដើរកាច់ ដែលបានចំណាយថវិកាក្នុងការសាងសង់ អស់ទឹកប្រាក់ ៨,៩៦០,០០០ រៀល ដែលសមាគមអតីតយុទ្ធជនកម្ពុជា តែងតែគិតគូរពីសុខទុក្ខដល់បងប្អូនអតីតយុទ្ធជន គ្រួសារអតីតយុទ្ធជនពលី ដែលបានបូជាសាច់ស្រស់ឈាមស្រស់ ក្នុងការចូលរួមចំណែកធ្វើឲ្យប្រទេសជាតិទទួលបានសុខសន្តិភាព និងក្រោមនយោបាយ ឈ្នះ! ឈ្នះ! របស់សម្តេចអគ្គមហាសេនាបតីតេជោ ហ៊ុន សែន ប្រកបដោយគតិបណ្ឌិត ធ្វើឲ្យមានសន្តិភាព និងការអភិវឌ្ឍ ហើយនាំឲ្យប្រទេសកម្ពុជា ខ្ពស់មុខខ្ពស់មាត់ លើឆាកអន្តរជាតិ និងបណ្តាប្រទេសធំៗលើសកលលោក ។
ក្នុងពិធីប្រគល់ផ្ទះថ្មីនេះផងដែរ ឯកឧត្តម និងក្រុមការងារសមាគមអតីតយុទ្ធជនកម្ពុជាម្ពុជា ខេត្តកំពង់ធំ បាននាំយកនូវអំណោយរបស់សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា តាមរយៈ ឯកឧត្តម ឧត្ដមសេនីយ៍ឯក បណ្ឌិត ហ៊ុន ម៉ាណែត អគ្គលេខាធិការរង សមាគមអតីតយុទ្ធជនកម្ពុជា យកមកផ្តល់ជូនគាត់បន្ថែមទៀតរួមមាន÷ អង្ករចំនួន៥០ គីគីឡូក្រាម , មីយើងចំនួន ០២ កេស , ទឹកត្រីទឹកស៊ីអ៊ីវចំនួន ០២ យួរ និងថវិកាចំនួន ១២០,០០០ រៀល ។
ដោយ ប៊ុន រដ្ឋា
