ដកស្រង់ពី គេហទំព័រ sabay ការសិក្សាអន្តរជាតិមួយបានបញ្ជាក់ថា ប្ដីប្រពន្ធដែលតែងគេងនៅជិតគ្នា គឺជាគន្លឹះរក្សាចំណងស្នេហ៍ឲ្យរស់នៅបានយូរ និងមានសុខភាពល្អ ជាងគូស្នេហ៍គេងបែកគ្នាជាទម្លាប់ ឬដោយសារបញ្ហាដទៃទៀត។ការសិក្សាដដែលបន្តថា ការគេងរួមគ្នាក្នុងកន្លែងតែមួយ ពិតជាជំរុញផលល្អ ៤យ៉ាង ក្នុងការពន្យល់ពីមូលហេតុ ថ្លាថ្លែងពីរឿងរ៉ាវនានា និងអាចជាវិធីបង្ហាញទំនាក់ទំនងតាមរយៈពាក្យសំដី ឬកាយវិការដ៏ជិតស្និទ្ធជួយសម្រួលផ្នែកសុខភាពផងដែរ។
១. ជួយច្រើនដល់សុខភាពផ្លូវចិត្ត
វេជ្ជបណ្ឌិត Wendy M. Troxel ជាជំនួយការសាស្ត្រាចារ្យផ្នែកចិត្តសាស្ត្រនៅសាកលវិទ្យាល័យ Pittsburgh បាននិយាយថា ការគេងជិតមនុស្សដែលយើងស្រលាញ់ គឺពិតជាជួយហុចផលប្រយោជន៍ច្រើន ដែលអាចសម្រួលដល់ផ្លូវចិត្ត ដើម្បីទទួលបានភាពជិតស្និទ្ធ ពិសេសនៅពេលយប់។ ក្រៅពីនេះ វាក៏បានធ្វើឱ្យរឹតចំណងទំនាក់ទំនងគូស្នេហ៍ បង្កើតអារម្មណ៍ល្អៗ។
បើតាមលោក John Dittami អ្នកឯកទេសផ្នែកជំងឺខួរក្បាល អាកប្បកិរិយា និងអ្នកឯកទេសខាងចង្វាក់ជីវសាស្ត្រ នៅសាកលវិទ្យាល័យ វីយែន បាននិយាយថា តាមធម្មជាតិស្ត្រីនឹងរីករាយ ចំពោះវត្តមានរបស់បុរសដែលខ្លួនស្រលាញ់គេងនៅជិត ទោះបីជាត្រូវចំណាយពេលច្រើននាទី ឬរាប់ម៉ោងក៏ដោយ។
២. បន្ថយកម្រិតអ័រម៉ូន Cortisol ស្ត្រេស
ចំណុចនេះលោកវេជ្ជបណ្ឌិតខាងលើ បានពន្យល់បន្តថា វាតែងបង្ហាញដោយការធ្វើឲ្យដៃគូជាស្ត្រីមានអារម្មណ៍ល្អ គ្មានភាពភ័យខ្លាច ហើយវាថែមទាំងអាចបន្ថយកម្រិតអ័រម៉ូន cortisol ស្ត្រេស។ ក្រុមវេជ្ជបណ្ឌិតបន្តទៀតថា ការគេងជាមួយគ្នាក៏អាចកាត់បន្ថយកម្រិតជាតិស្ករនៅក្នុងរាងកាយ ដែលជាមូលហេតុ ពាក់ព័ន្ធនឹងការរលាក និងការឈឺចាប់នានា។
៣. ជួយដល់សុខភាពខួរក្បាល
ជាក់ស្ដែង ការសិក្សាបានបន្តថា នៅពេលមានភាពជិតស្និទ្ធរវាងរាងកាយ និងអ័រម៉ូន Oxytocin ដែលហៅថាអ័រម៉ូនស្នេហាដែលត្រូវបានគេស្គាល់ថាជួយបន្ធូរការថប់បារម្ភ ដែលត្រូវបានផលិតនៅក្នុងផ្នែកមួយ នៃខួរក្បាលដែលទទួលខុសត្រូវចំពោះវដ្ដ នៃការគេង។
៤. គេងលក់ស្រួល និងរក្សាលំនឹងឲ្យគូស្នេហ៍
អ្នកជំនាញនិយាយថាការគេងជាមួយមនុស្សផ្សេងទៀត អាចជួយរក្សាសីតុណ្ហភាពរាងកាយរបស់អ្នកពេញមួយយប់មានន័យថា ជាការសម្រាកដ៏ល្អប្រសើរសម្រាប់អ្នក និងដៃគូរបស់អ្នក ព្រោះនៅពេលដែលអ្នកគេងលក់សីតុណ្ហភាពរាងកាយរបស់អ្នកចាប់ផ្ដើមធ្លាក់ចុះ។
វាល្អចំពោះអ្នកនៅពេលយប់ប្រសិនបើស្ថានភាពជុំវិញរបស់អ្នកត្រជាក់ពេកសីតុណ្ហភាពត្រជាក់អាចរំខានដល់ដំណេករបស់អ្នក។
នៅពេលដែលរាងកាយរបស់អ្នកមានអារម្មណ៍ត្រជាក់ខ្លាំង នោះភាពកក់ក្ដៅនៃអ្នកដែលគេងក្បែរខាង អាចជួយឱ្យរាងកាយរបស់អ្នកត្រលប់ទៅរកសីតុណ្ហភាពដែលគេពេញចិត្តវិញ។