កំពង់ធំ៖ នៅរសៀលថ្ងៃទី២៧ ខែមករា ឆ្នាំ២០១៩ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជេីញចុះពិនិត្យសកម្មភាពប្រមូលផលស្រូវប្រាំង របស់ប្រជាកសិករនៅភូមិកោះគ្រាបបាយ ឃុំកំពង់គោ ស្អាចកោះប្រជុំជាមួយអ្នកប្រមូល ថា តម្លៃទីផ្សារស្រូវរបស់កម្ពុជា មិនបានពាក់ព័ន្ធទៅនិងការយកព័ន្ធអង្ករបស់សហគមន៍អ៉ឺរ៉ុបមកលេីកម្ពុជានោះទេ ព្រោះស្រូវរបស់ពលរដ្ឋដែលដាំដុះភាគច្រេីនគឺប្រភេទ អ៊ុយអ៊ែរ (OM5154) ដែលនាំទៅកាន់ប្រទេសវៀតណាម ហេីយវៀតណាមខ្លួនឯង បានបង់ពន្ធរួចជាយូរមកហេីយ។ ចំពោះពន្ធដែលអ៉ឺរ៉ុប ដាក់ពន្ធមកកាន់អង្កកម្ពុជា គឺអង្កស្រូវក្រអូបរបស់កម្ពុជា ហេីយស្រូវទាំងអស់នេះ គឺកសិករភាគ ច្រេីនបានចងក្រងជាសហគមន៍ និងបានចុះកុងត្រាជាមួយក្រុមហ៊ុនរួចហេីយ លេីសពីនេះទៅទៀត ស្រូវក្រអូបទាំងអស់នេះ មិនមានបរិមាណនៅសល់ ក្នុងស្រុកនោះទេ។
តាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំបានឱ្យដឹងថា ទូទាំងខេត្តកំពង់ធំមានផ្ទៃដីដំដុះស្រូវប្រាំងចំនួនជាង ៦ម៉ឺនហត ហើយមកទល់ពេលបច្ចុប្បន្ននេះ ការប្រមូលផលបានជាង ៤ពាន់ហតហើយ រីឯទិន្នផលទទួលបានជាមធ្យម ប្រមាណជា ៤៤,៥តោនក្នុង១ហត។
សម្រាប់ថ្ងៃនេះ ស្រូវចំណីមានតម្លៃចន្លោះពី ៦៩០រៀល/kg រហូតដល់ ៧៤០៛/kg(OM៥១៥៤)ដោយឡែកស្រូវក្រអូបកសិករដែលបានចុះកិច្ចសន្យាជាមួយក្រុមហ៊ុន AMRU RICE ទិញក្នុងតម្លៃ១១៥០រៀល/Kg។
កសិករម្ចាស់ស្រែបានឱ្យដឹងថានៅតំបន់នេះ ជាទូទៅកសិករបានប្រើពូជ OM៥១ ៥៤ ហើយនិងពូជស្រូវក្រអូប ទន្ទឹមនឹងនេះ ពួកគាត់អាចធ្វើស្រែប្រាំងបាន ២ដង/រដូវ ដោយសារមានប្រព័ន្ធប្រឡាយផ្តល់ទឹកបាមគ្រប់គ្រាន់។ ដែលបានកសាងឡើងដោយគម្រោងកម្មវិធីខ្សែច្រវាក់កសិកម្មកម្ពុជា ដែលជាជំនួយឥតសំណងរបស់រដ្ឋាភិបាលអូស្រ្តាលី និងប្រព័ន្ធប្រឡាយរបស់ក្រុមហ៊ុនផ្គត់ផ្គង់ទឹកឯកជន ដែលគេគិតក្នុង១ហត/១០៥ដុល្លារ គឺចាប់ពីពេលព្រោះ ដល់ពេលប្រមូលផល។
ទន្ទឹមនឹងនេះ ឯកឧត្តមរដ្ឋមន្រ្តី បានបញ្ជាឲ្យ អគ្គនាយកដ្ឋានកសិកម្ម ជាពិសេស នាយកដ្ឋានដំណាំស្រូវ សហការជាមួយមន្ទីរចុះមកសិក្សាពីតម្រូវការពូជ លក្ខខ័ណ្ឌក្សេត្របរិស្ថាននៃដំណាំស្រូវនៅតំបន់នេះ តើមានអំណោយផលសម្រាប់ពូជអ្វី ដែលផ្តល់ទិន្នផលខ្ពស់ គុណភាពអង្ករល្អ ធន់នឹងជំងឺ និងការប្រែប្រួលអាកាសធាតុ ហើយនិងឆ្លើយតបទៅនឹងតម្រូវការទីផ្សារខ្ពស់ ។
ដោយឡែកទាក់ទងទៅនឹងតម្លៃស្រូវដែលធ្លាក់ចុះប៉ុន្មានថ្ងៃនេះ ឯកឧត្តមបានស្នើឲ្យមន្ទីរធ្វើការពិគ្រោះជាមួយនឹង ឯកឧត្តមអភិបាលនៃគណៈអភិបាលខេត្ត អាចកោះប្រជុំជាមួយអ្នកប្រមូលទិញស្រូវក្នុងខេត្តដែលនាំទៅកាន់ប្រទេស វៀតណាម ដើម្បីពិនិត្យមើលពីមូលហេតុពិតប្រាកដ ព្រោះមិនមានជាប់ពាក់ព័ន្ធជាមួយនឹងការនាំអង្ករកម្ពុជាទៅកាន់សភាពអឺរ៉ុបនោះទេ ។
