កាលពីថ្ងៃទី១៦កុម្ភៈ អគ្គនាយកមជ្ឈ មណ្ឌលការពារសន្ដិភាពនិងសណ្ដាប់ធ្នាប់ ថៃ លោក Chalerm Yubumrung បាន ប្រកាសថា មជ្ឈមណ្ឌលរបស់លោកនឹង ប្រើប្រាស់កម្លាំងប៉ូលិសជាទ្រង់ទ្រាយធំ បោសសម្អាតក្រុមបាតុករ និងរុះរើរបាំង ឃាំងផ្លូវនៅ៥កន្លែងដែលក្រុមបាតុករ ដឹកនាំដោយគណៈកម្មការកែទម្រង់ប្រជា ធិបតេយ្យប្រជាជន PDRC ។ មានប្រសាសន៍តាមកញ្ចក់ទូរទស្សន៍ លោក Chalerm Yubumrung បាន បញ្ជាក់ថា នឹងគ្មានការពិភាក្សាណាមួយ ជាមួយក្រុមបាតុករទៀតឡើយ ដោយ សារតែការពិភាក្សាកន្លងមក មិនទទួល បានជោកជ័យ ។ លោកក៏បានបញ្ជាក់ ផងដែរថា គម្រោងខាងលើនឹងពិភាក្សា យ៉ាងល្អិតល្អន់ ដើម្បីបញ្ចៀសការប៉ះទង្គិច ដោយហិង្សាជាមួយក្រុមបាតុករ ។
លោកបន្ដទៀតថា តំបន់ដែលត្រូវ រៀបចំឡើងវិញនោះ មានតំបន់ជុំវិញ អគាររដ្ឋាភិបាល និងស្ពាន Orathai ស្ពាន Chamaimaruchet ក៏ដូចជាមហា វិថីមួយចំនួនផ្សេងទៀត ដែលបាតុករបាន គ្រប់គ្រងរយៈពេលកន្លងមក ។ ក្រៅពី នេះ ប៉ូលិសក៏នឹងត្រូវរំសាយក្រុមបាតុករ នៅជុំវិញក្រសួងថាមពលដោយសារតែ បាតុករបានបង្កការរំខានប៉ះពាល់យ៉ាង ខ្លាំងដល់ជីវភាពរស់នៅរបស់ប្រជាពល រដ្ឋ ។
ក្នុងពេលជាមួយគ្នានេះ មជ្ឈមណ្ឌល ការពារសណ្ដាប់ធ្នាប់ជាតិថៃ បានកោះ ហៅបុគ្គលសំខាន់ៗចំនួន១៣៦រូបដែល បានគាំទ្រនិងផ្ដល់ហិរញ្ញវត្ថុក្នុងរយៈពេល ធ្វើបាតុកម្មកម្លងមក ដែលជាបាតុកម្ម ធ្វើឡើងដោយខុសច្បាប់នោះ ។ ប្រសិន បើស្រាវជ្រាវរកឃើញថាការគាំទ្រទាំង នោះ ជារឿងខុសច្បាប់បុគ្គលទាំង១៣៦ រូប អាចត្រូវបង្កកទ្រព្យសម្បត្ដិនិងផ្ដន្ទា ទោសទៅតាមច្បាប់ ។
នៅថ្ងៃទី១៧កុម្ភៈ គណៈកម្មាធិការ រៀបចំការបោះឆ្នោតថៃ នឹងជួបប្រជុំគ្នា ជាមួយភាគីពាក់ព័ន្ធ ក្នុងនោះមានតំណាង រដ្ឋាភិបាល ដើម្បីស្វែងរកច្រកចេញដល់ វិបត្ដិនយោបាយដែលបានញ៉ាំញីដល់ សន្ដិសុខសណ្ដាប់ធ្នាប់និងសេដ្ឋកិច្ចរបស់ ថៃ ។ កិច្ចពិភាក្សានោះក៏នឹងលើកឡើង ពីការបោះឆ្នោតនៅ២៨តំបន់ដែលមិន ទាន់បានបោះឆ្នោត ដោយសារតែគ្មាន បេក្ខភាពឈរឈ្មោះ ។
ប្រធានគណៈកម្មាធិការរៀបចំការ បោះឆ្នោតថៃ លោក Somchai Sri-suthiyakorn បានបញ្ជាក់ថា ការជ្រើស រើសបេក្ខភាព១២៥បន្ថែមទៀត តាម បញ្ជីបេក្ខភាពរបស់គណបក្ស ចាំបាច់ ត្រូវតែរាប់សន្លឹកឆ្នោតនៅការិយាល័យ បោះឆ្នោតទាំង៩៣.៩៥២កន្លែង ប៉ុន្ដែ មកទល់ពេលនេះ នៅមានការិយាល័យ បោះឆ្នោត១០.២៨៤កន្លែងមិនទាន់បាន បោះឆ្នោត ។
