ឥណ្ឌូណេស៊ី៖ កាលពីថ្ងៃអង្គារម្សិលមិញនេះ ក្រុមអ្នកមុជទឹកជនជាតិជប៉ុន ០៦ នាក់ទទួលបានការព្យាបាលនៅឯមន្ទីរ ពេទ្យកោះបាលី ក្រោយក្រុមសង្គ្រោះឥណ្ឌូណេស៊ីប្រទះឃើញពួកគេកំពុងឡើងតាមចំណោតថ្ម នៅតាមតំបន់ ឆ្នេរកោះនេះ គឺបន្ទាប់បានបាត់ខ្លួនអស់រយៈពេល៣ថ្ងៃរួចមកនោះ ។ ដោយឡែកអ្នកមុជទឹក២នាក់ផ្សេង ទៀតនៅមិនទាន់រកឃើញនោះទេ។ សេចក្ដីរាយការណ៍ បានឱ្យដឹងថា ស្ត្រីម្នាក់ត្រូវបាននាំយកទៅព្យាបាលនៅតំបន់ទេសចរណ៍កេដុងហ្គា ណាន់ ខណៈដែលស្ត្រី៤នាក់ផ្សេងទៀតទទួលការព្យាបាលនៅមន្ទីរពេទ្យសាំងឡា ។
ក្រុម អាជ្ញាធរនៅមន្ទីរពេទ្យសាំងឡា បានឱ្យដឹងថា ក្រុមអ្នកមុជទឹក៤នាក់មានស្ថានភាពល្អប្រសើរ ខ្លះហើយ។ លោកចាយ៉ា គូស៊ូម៉ា ប្រធានមន្ទីរពេទ្យសាំងឡា បានមានប្រសាសន៍ថា ពួកគេទាំងអស់ប្រឈមនឹង បញ្ហាផ្លូវដង្ហើម និងប្រព័ន្ធបេះដូង ប៉ុន្តែមានស្ថានភាពប្រក្រតីវិញហើយ ក្រោយការយកចិត្តទុកដាក់យ៉ាងដិត ដល់ពីក្រុមគ្រួពេទ្យរបស់លោក ។លោកបានបន្តទៀតថា ជនរងគ្រោះខ្សោះជាតិទឹកខ្លាំងដោយសារត្រូវ កម្តៅថ្ងៃខ្លាំងពេក ។
គួរឲ្យ ដឹងថា ក្រុមអ្នកមុជត្រូវបានគេប្រទះឃើញនៅរស់នៅត្រង់ចំណុចចំណោទថ្មម៉ា ន់តា ស្ថិតនៅ តំបន់ឆ្នេរនូសា ប៉េនីដា ដែលមានចម្ងាយ២០គ.មពីតំបន់ឆ្នេរកោះបាលី។ ក្រុមជួយសង្គ្រោះកំពុងស្វែងរក មនុស្ស២នាក់ផ្សេងទៀតដែលកំពុងបាត់ខ្លួន។