ព្រះវិហារ៖ កាលពីព្រឹកថ្ងៃទី ១៨ ខែ កុម្ភៈឆ្នាំ ២០១៤ នៅទីបញ្ជារការកងរាជអាវុធហត្ថខេត្តព្រះវិហារ បានរៀបចំកម្មវិធីបូកសរុប លទ្ធផលការងារប្រចាំឆ្នាំ ២០១៣ និង លើកទិសដៅការងារ បន្តឆ្នាំ ២០១៤ ក្រោមអធិបតីភាពរបស់លោក ឧត្តមសេនីយ៍ កង សៅគុណ មេបញ្ជាការកងរាជអាវុធហត្ថខេត្តព្រះវិហារ ។ យោងតាមរបាយការណ៍ការងារ ឆ្នាំ ២០១៣ បានឱ្យដឹងថា លទ្ធផលប្រតិបត្តិតូនាទី ភារៈកិច្ចរបស់កងរាជអាវុធហត្ថ ចេញល្បាត ចំនួន ១០១លើក ប្រើប្រាស់កម្លាំងសរុបចំនួន ៥៨៨១ នាក់ រថយន្តចំនួន ៧០២ គ្រឿង ម៉ូតូចំនួន ១៧៧៩ គ្រឿង ចេញការពារប្រតិភូថ្នាក់ជាតិ អន្តរជាតិ បានចំនួន ៨០លើ ប្រើប្រាស់កម្លាំងសរុបចំនួន ៦៧៧នាក់ រថយន្ត ១៦៥គ្រឿង ម៉ូតូចំនួន ១៦២ គ្រឿងក្នុងនោះក៏មានការទទួល និង
ការការពារ ក្បួនក្រុមយុវជន ស្ម័គ្រចិត្តសម្តេចតេជោហ៊ុនសែន ចំនួន ៦លើកចេញបង្ក្រាបនិង ការពារជាមួយស្ថាប័នពាក់ព័ន្ធនានា ប្រើប្រាស់កម្លាំងសរុបចំនួន ៤៥៦នាក់ រថយន្តចំនួន ៣៣គ្រឿង ម៉ូតូចំនួន ៥៨០គ្រឿង ធ្វើសកម្មភាពបានចំនួន ១១៦លើក សរុបប្រើប្រាស់កម្លាំង ៧០០៦នាក់ រថយន្តចំនួន ៨៩៨គ្រឿង ម៉ូតូ ២៥២៥គ្រឿង ធ្វើសកម្មភាពបានចំនួន ២៩៩លើក ។ ប្រតិបត្តិការបង្ក្រាបបានទទួលដីការចំនួន
១៤១ដីកា អនុវត្តរូច ១០៨ដីការ បន្តរអនុវត្ត ៣៣ដីកា និង ទទួលពាក្យបណ្តឹង ចំនួន២២ បណ្តឹង អនុវត្តរូច ២បណ្តឹង បន្តអនុវត្ត១បណ្តឹង លោក ឧត្តមសេនីយ៍ កង សៅគុណ មានប្រសាសន៍ថា ការខិតខំរបស់អង្គភាព កងរាជអាវុធហត្ថ មួយឆ្នាំកន្លងមកនេះឃើញថា សភាពការណ៍សន្តិសុខសង្គមមានការថយចុះយ៉ាងខ្លាំង យើងគ្រប់គ្រងសភាពការណ៍បានយ៉ាងល្អ ទិសដៅបន្តឆ្នាំ ២០១៤ ក្នុងនាមមេបញ្ជាការ
កងរាជអាវុធហត្ថ សូមឱ្យអស់លោក មេបញ្ជាការរង គ្រប់បណ្តាអង្គភាពទាំងអស់ត្រូវតែខិតខំការពារបង្ការបង្ក្រាប និង សហការណ៍ជាមួយស្ថាប័ន នានាអាជ្ញាធរដែនដី អនុវត្តច្បាប់បទបញ្ចា របស់រាជរដ្ឋាភិបាលព្រមទាំង ចូលរួមផ្សព្វផ្សាយក្រមសីលធម៌វិន័យទូទៅ របស់កងយោធពលខេមរភូមិន្ទ សិទ្ធប្រើប្រាស់អាវុធជាតិផ្ទុះ និងចូលរួម អនុវត្តគោលនយោបាយភូមិឃុំ មានសុវត្ថិភាព។ 
