កំពង់ធំ ៖ សាកសពទារកអភ័ពម្នាក់ ត្រូវបានគេប្រទះឃើញហើមស្អុយ នៅក្នុងទឹកលូ ដែលម្តាយចិត្តអប្រិយ និងឳពុកតិរិឆ្ឆាន ដាច់ចិត្តយកមកបោះចោល នៅក្នុងលូទឹក ដោយគ្មានចិត្តអាណិត អាសូសូម្បីតែបន្តិចឡើយ សាកសព ហើមស្អុយ របស់ទារកដែល មានអាយុប្រមាណ ១៥ ថ្ងៃទៅ ១ ខែ ត្រូវបានអណ្តែតទឹក រហូតត្រីចិកស៊ីជាចំណី អស់ពោះពង់ នៅសល់តែដងខ្លួន ដៃជើង និងក្បាលផ្នែកខាងក្រោយ ។
តាមប្រភពពត៌មាន នៅកន្លែងកើតហេតុ បានឲ្យដឹងថា សពទារកនេះ ត្រូវបានគេប្រទះឃើញ នៅថ្ងៃទី ១៩ ខែ កុម្ភះ ឆ្នាំ ២០១៤ ស្ថិតនៅ វាលស្រែ១រយ សង្កាត់កំពង់រទេះ ក្រុងសែន ខេត្តកំពង់ធំ ដោយមិនដឹងថា ទារកនេះ ត្រូវបានគេយកមកបោះចោលកាលពីថ្ងៃណា តែបើតាមការ សណ្ឋាន ប្រហែលជាទារកនេះ ទើបនឹងកើត ហើយម្តាយគ្មានលទ្ធភាព ក្នុងការចិញ្ចឹម ទើបសម្រេចចិត្តបោះ ចោលដូចសត្វធាតុ ដែលមើលទៅ គួអោយអាណិតអាសូរ ក្រៃលែងពីសំណាក់មហាជនដែលបានឃើញ ហេតុការណ៍ ៕
ឯកឧត្តម គង់ វិមាន អភិបាលរងខេត្តកំពង់ធំ ក្រោយពីទទួលបាន ពត៌មានថាមានទារកអភ័ព ដែលត្រូវបាន គេបោះបង់ចោល ក៏បានយកចិត្តទុកដាក់ ឲ្យកំលាំងប៉ូលិសប៉ុស្តិ៍រដ្ឋបាល សង្កាត់កំពង់រទេះ ចាត់ចែងស្រង់ សាកសព ទារកយកមកកប់ នៅកន្លែងទីទួលសុវត្តិភាព ដើម្បីចៀសវាងមានការកកាយពីសំណាក់សត្វផ្សេងៗ ក្នុងនោះដែរឯកឧត្តម បានសម្តែងនូវក្តីអាណិតអាសូសពទារក ដែលមិនទាន់ទាំងបានឃើញពន្លឺថ្ងៃផង ក៏ត្រូវបានគេបោះចោល ទោះជាយ៉ាងណានោះ ទារកអភ័ព គឺជាមនុស្សម្នាក់នឹងគេដែរ មិនអាចមិនរវល់ ហើយបណ្តែតបណ្តោយឲ្យនៅអណ្តែតទឹក ចោលនោះទេ ។ 
