ខេត្តឧត្តរមានជ័យ ៖ ក្រោយពីមានការផ្សព្វផ្សាយរឿង ការឈូសឆាយដីព្រៃជាង១០០ហិចតា របស់ឧកញ៉ា ហ៊ុយ ភៀវ ប្រធានសភាពាណិជ្ជកម្ម សៀមរាប-ឧត្តរមានជ័យ ស្ថិតនៅភូមិស្រឡៅស្រោង ឃុំលំទង ស្រុកអន្លង់វែង ខេត្តឧត្តរមាន ជ័យ ដែលគេសង្ស័យថា មានការឃុបឃឹតពីមន្ត្រីជំនាញចុះត្រួតពិនិត្យ និងដីព្រៃមានឯកសារមួយចំនួនប៉ុណ្ណោះ ដែលចេញដោយក្រុមនិសិត្ស(០១) ឯដីព្រៃមួយចំនួនទៀត ពុំមានឯកសារសង្ស័យមានការត្រូវរូវគ្នាពីសំណាក់អាជ្ញាធរ។
ចំពោះមហាជនដាក់សង្ស័យនេះបាននិយាយថា កន្លងមក កាលថ្ងៃទី០១ ខែកុម្ភៈ ឆ្នាំ២០២០ កម្លាំងសត្ថកិច្ចចម្រុះស្រុកអន្លង់វែង ដឹកនាំដោយលោក គង់ សារ៉េត នាយសង្កាត់រដ្ឋបាលព្រៃឈើស្រុកអន្លង់វែង ចុះឃាត់ ការឈូសឆាយដីព្រៃនៅចំណុចភូមិសាស្ត្រខាងលើ។ ដោយធ្វើការ ឃាត់អាបុលឈូសឆាយដីព្រៃចំនួន ១គ្រឿង មិនអោយធ្វើការឈូសឆាយបណ្តោះអាសន្ន។ ហើយស្រាប់តែមានឈ្មោះ សាត ធៀប ភេទប្រុសអាយុ៦៧ឆ្នាំ រស់នៅភូមិអភិវឌ្ឍន៍ ឃុំ-ស្រុកអន្លង់វែង ខេត្តឧត្តរមានជ័យ ដែលគេស្គាល់ថា ជាតំណាងរបស់លោកឧកញ៉ា ហ៊ុយភៀវ បានបង្ហាញប្លង់ដី ៣០ហិកតា(ដែលចេញក្រុមនិសិត្ស០១) ដែលសុទ្ធតែព្រៃធំៗ និងពុំមានច្បាប់ឈូសសឆាយ។ តែមិនបានបង្ហាញឯកសារ ដែលពាក់ព័ន្ធនឹងដីព្រៃជិត ១០០ហិចតា ផ្សេងទៀតនោះឡើយ ដោយសង្ស័យដោយមានការឃុបឃឹីតពីសំ ណាក់លោកមេឃុំលំទង និងលោកអភិបាលស្រុុកអន្លង់វែង ហើយមើលទៅ ទើបគេហ៊ានយកគ្រឿងចក្រទៅឈូយឆាយដីព្រៃបានបែបនេះ។
មជ្ឈដ្ឋានគេបានដាក់ការសង្ស័យថាមន្ត្រីរដ្ឋបាលព្រៃឈើអាចបានលាភសក្ការៈហើយបានជាមិនមានវិធាននោះ។ ដោយជាក់ស្តែងកន្លងមកកាល ថ្ងៃទី១១ ខែកុម្ភៈ ឆ្នាំ២០២០ មន្ត្រីជំនាញរដ្ឋបាលព្រៃឈើ ដឹកនាំដោយលោក ហម សារ៉ាវុធ អនុប្រធានរដ្ឋបាលព្រៃឈើ ថ្នាក់កណ្តាលចុះពិនិត្យ និងផ្ទៀងផ្ទាត់ទីតាំងដីព្រៃដែលឈូសឆាយ ក្នុងភូមិសាស្ត្រ ភូមិស្រឡៅស្រោង តែគេពុំឃើញមានចំណាត់ការពីមន្ត្រីរដ្ឋបាលព្រៃឈើនោះឡើយ។
ដោយគេឃើញ លោក ហម សារ៉ាវុធ អនុប្រធានរដ្ឋបាលព្រៃឈើថ្នាក់កណ្តាល ឈរថតរូបអនុស្សាវរីយ៍ជាមួយក្រុមការងារមន្ត្រីរដ្ឋបាលព្រៃឈើ សមត្ថកិច្ច និងមេការលោកឧកញ៉ា ហ៊ុយភៀវ គឺលោក សាត ធៀប ។ ដោយក្នុងរូបថតអនុស្សាវរីយ៍ ជាប់សុទ្ធតែព្រៃឈើធំៗ ឈរនៅតម្រៀបជួរពីក្រោយយ៉ាងស្រស់សង្ហារ ដែលកំពុងតែភិតភ័យរងគ្រោះ ក្នុងពេលឆាប់ៗនេះ។
ដូច្នេះហើយការឈូសឆាយដីព្រៃ១០០ហិចតា របស់លោកឧកញ៉ា ហ៊ុយ ភៀវ ត្រូវបានគេដាក់ការសង្ស័យថា ជាកន្ទេលធំបន្លំដេកកំពុងឃុបឃឹតគ្នាបំភ្លេចបំផ្លាញព្រៃឈើ។ ហើយបើតាមប្រភពពីមន្ត្រីក្រុមប្រឹក្សាឃុំអន្លង់វែងម្នាក់ បានអះអាងថា មេការរបស់លោកឧកញ៉ា ហ៊ុយភៀវ គឺលោក សាត ធៀប មានរឿងអាស្រូវច្រើនជាមួយនឹងកូនប្រុសឈ្មោះ ធា ដែលពុំមានតួនាទី បានកាន់GPS ដើរចុចវាល់ដីព្រៃ ព្រមទាំងមានការឃុបឃឹតពីអាជ្ញាធរលក់ដីអោយអ្នកមកពីឆ្ងាយ។ ហើយលោកសាត ធៀប និងកូនឈ្មោះ ធា ត្រូវបាននាយកដ្ឋានព្រហ្មទណ្ឌក្រសួងមហាផ្ទៃ កោះហៅផងដែរ។ (ដោយនៅភាគបន្តទៀត)
