កំពង់ធំ៖ ឈានដល់រដូវប្រាំង បណ្តាលឲ្យរាំងស្ងួត ហួតហែង ដូចជាអណ្តូងទឹក ស្រះទឹក បង្ករឲ្យមានផល ពិបាកដល់បងប្អូនប្រជាពលរដ្ឋ ជាពិសេសព្រះសង្ឃ គង់នៅវត្តពាមមេត្រី ស្ថិតនៅក្នុងឃុំត្បែង ស្រុកកំពង់ ស្វាយ ខេត្តកំពង់ធំ កំពុងខ្វះខាតទឹកប្រើប្រាស់ ក្នុងការបម្រើសេចក្តីត្រូវការរបស់ព្រះសង្ឃ និង ពុទ្ធ បរិស័ទ ដែលរស់នៅក្នុងវត្ត ហើយ ត្រូវទិញទឹកគេពីទីឆ្ងាយដើម្បីបម្រើការ នៅក្នុងវត្ត ។
ឯកឧត្តម ឧត្តមសេនីយ៍ទោ សោម ស៊ុន បានប្រគនទឹកស្អាតមួយ១០០០០លីត្រ ដល់ព្រះសង្ឃគង់នៅ វត្ត ពាមមេត្រី ក្រោយពីទទួលព័ត៌មានថា នៅក្នុងវត្តមានការខ្វះខាតទឹកប្រើប្រាស់ ក៏បានដឹកនាំសហការី នាំយកទឹកទៅផ្តល់ជូន នៅថ្ងៃទី២៧ ខែមីនា ឆ្នាំ២០២០ ។
ឧត្ដមសេនីយ៍ទោ សោម ស៊ុន មេបញ្ជាការ តំបន់ ប្រតិបត្តិការសឹករងកំពង់ធំ និងលោកស្រី កែ ផៃ មេឃុំ ត្បែង បាននាំយកទឹកស្អាតដែល ជាអំណោយរបស់អង្គភាពរដ្ឋករទឹកខេត្តកំពង់ធំ ចំនួន ១០,០០០ លីត្រ ទៅ ប្រគេនដល់ ព្រះ សង្ឃ និងយាយជី តាជី ដែលគង់និងរស់នៅក្នុងវត្ត សម្រាប់ប្រើប្រាស់ ។ 
ឯកឧត្ដមសោម ស៊ុន សំណូមពរដល់ ព្រះសង្ឃគ្រប់ព្រះអង្គ និងប្រជាពលរដ្ឋទាំងអស់ ត្រូវខិតខំថែរក្សា សុខភាព រួមគ្នាការពារទប់ស្កាត់ ការរីករាលដាល នៃជំងឺកូវីដ១៩ ដែលកំពុងរាតត្បាតយ៉ាងខ្លាំងនៅលើ ពិភពលោក បងប្អូនត្រូវអនុវត្តន៏ឲ្យបាន ខ្ជាប់ខ្ជួន តាមការណែនាំរបស់ក្រសួងសុខាភិបាល មិនត្រូវជឿលើ ពត៌មានផ្តេសផ្តាស ក្រៅពីការជូនដំណឹងរបស់អាជ្ញាធរដែនដី និងភ្នាក់ងារសុខាភិបាលឡើយ ។
ព្រះសង្ឃ និងយាយជីតាជី បានសូមថ្លែងអំណរគុណ ដ៍នូវទឹកចិត្តសប្បុរស ធម៌ របស់ឯកឧត្តម ឧត្ដមសេនីយ៍ទោ សោម ស៊ុន និងថ្នាក់ដឹកនាំ នៃបញ្ជាការដ្ឋានតំបន់ប្រតិបត្តិការសឹករង កំពង់ធំ ដែលជានិច្ចជាកាល តែងតែផ្តល់ និងឧបត្ថម្ភ រាល់ការលំបាកដល់ អតីតយុទ្ធជន និងប្រជាពលរដ្ឋ រួមទាំងព្រះសង្ឃ គ្រប់ទិសទីក្នុងខេត្តកំពង់ធំ ឲ្យទទួលបានភាពកក់ក្តីផងដែរ។
ដោយ ប៊ុន រដ្ឋា
