ការវាយប្រហារគ្រាប់បែក ការស្លាប់នៅក្នុងប្រទេសអ៊ីរ៉ាក់បានក្លាយទៅជារឿងធម្មតាទៅហើយ ដោយគ្មានអ្នកណាភ្ញាក់ផ្អើលពីការស្លាប់ទៀតនោះឡើយ។ នៅថ្ងៃទី១៨កុម្ភៈកន្លងមកមានការវាយប្រហារគ្រាប់បែកសាំងសម្លាប់មនុស្ស៤៩នាក់នៅទីក្រុងបាដាតនិងទីក្រុង ហ៊ីលឡាប្រទេសអ៊ីរ៉ាក។ កាលពីខែមុនមនុស្សជាង១០០០នាក់បាត់បង់ជីវិតក្នុងការវាយប្រហារ ភាគច្រើនសម្តៅទៅលើជនជាតិShia និងគោលដៅរបស់រដ្ឋាភិបាល។ ចំណែកការវាយប្រហារកាលពីថ្ងៃទី១៨កុម្ភៈសម្លាប់មនុស្ស៤៩នាក់និងរាប់សិបនាក់ផ្សេងទៀតរងរបួស មិនទានមានក្រុមណាមួយចេញមុខទទួលថាជាទង្វើរបស់ខ្លួននៅឡើយ។
ប៉ូលិសអ៊ីរ៉ាកបានឲ្យដឹងថា ការវាយប្រហារនាពេលកន្លងមកធ្វើឡើងដោយរថយន្តចតនៅចំណតរថយន្តឬជិតតំបន់ពាណិជ្ជកម្ម នានាដែលមានមនុស្សច្រើន។ នៅថ្ងៃទី១៨នោះដែរ ទាហានអ៊ីរ៉ាក់១៣នាក់បានស្លាប់ដោយការវាយប្រហារដាច់ដោយឡែកផ្សែងទៀតទៅលើទាហានដែលជាជនជាតិសាន់នីនៅទីក្រុងហ្វាឡូចាស់ ខេត្តអែនប៉ា។ ខេត្តអែនប៉ាតែងតែមានការវាយប្រហារកើតឡើង ពីក្រុមពាក់ព័ន្ធនិងក្រុមភេរវករអាលកៃដា៕ 
