ខេត្តកំពង់ធំ៖ កងកម្លាំង តាមបណ្តា្ងឯកភាព រួមទាំងស្ថាប័នចំណុះ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានទទួលអំណោយដ៏ថ្លៃថ្លា ពីសម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រិទ្ធបណ្ឌឹត ប៊ុន រ៉ានី ហ៊ុន សែន នូវអាវភ្លៀង ខណៈពេលដែល រដូវវស្សាវជិតមកឈានដល់ ដើម្បីជួយសម្រួលផលពិបាកដល់ កងកម្លាំង ដែលកំពុងតែឈរជើង ត្រៀមខ្លួនជាស្រេចដើម្បីបំរើជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់។
នៅព្រឹកថ្ងៃទី ០៥ ខែឧសភា ឆ្នាំ ២០២០ លោក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ បានអញ្ជើញជាអធិបតីភាព ក្នុងពិធីចែកអាវភ្លៀងដល់ កងកម្លាំងយោធិន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ សម្រាប់ប្រើប្រាស់ក្នុងរដូភ្លៀងធ្លាក់នេះ ដែលជាការគិតគូរពីសុខទុក្ខ របស់សម្តេច ទាំងពី មកលើជីវភាពរស់នៅរបស់យោធិន នៃបញ្ជាដ្ឋានការតំបន់ប្រតិបត្តិការ សឹករងកំពង់ធំ នៃយោធភូមិភាគទី៤ ។
លោកឧត្តមសេនីយ៍ទោ សោម ស៊ុន បានឆ្លៀតឳកាស ណែនាំផ្សព្វផ្សាយ ដល់យោធិនទាំងអស់ នឹងក្រុមគ្រួសារ ត្រូវបន្តអនុវត្តន៍ សេចក្តីណែនាំ របស់ក្រសួងសុខាភិបាល ស្តីពីវិធានការ ការពារទប់ស្កាត់ ប្រឆាំងមេរោគកូវីដ ១៩ និងជម្រុញដល់យោធិន គ្រប់បណ្តាកងឯកភាព នូវ ការងារបង្ករបង្កើនផល ចិញ្ចឹមសត្វ ក្នុងការលើកស្ទួយជីវភាពរស់នៅរបស់យោធិន ក្នុងកាលៈទេសៈប្រយុទ្ធប្រឆាំងមេរោគកូវីដ ១៩ និងបានបាញ់ថ្នាំសម្លាប់មេរោគ នៅក្នុងបរិវេណទីបញ្ជាការ តំបន់ប្រតិបត្តិការសឹករងកំពង់ធំ រួមទាំងបានអំពាវនាវ ឲ្យយោធិនទាំងអស់ ចូលរួមគោរពច្បាប់ចរាចរណ៍ផ្លូវគោកថ្មី តាមអនុក្រឹត្យលេខ ៣៩នេះ ។
លោក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ និងថ្នាក់ដឹកនាំ រួមទាំងយោធិនទាំអស់ បានសូមគោរពថ្លែងអំណរគុណ ដ៍ជ្រាលជ្រៅជាទីបំផុត ចំពោះសម្តេចតេជោ ហ៊ុន សែន ប្រមុខរាជរដ្ឋាភិបាល និងសម្តេចកិត្តិព្រិទ្ធបណ្ឌឹត ប៊ុន រ៉ានី ហ៊ុនសែន សូមគោរពជូនពរ សម្តេចទាំងពីរ និង បុត្រា បុត្រី ចៅប្រុសចៅស្រី សូមបានប្រកបដោយតែសេចក្តីសុខ សេចក្តីចម្រើន ជួបប្រទះតែនឹងពុទ្ធពរទាំង បួនប្រការគឺ អាយុ វណ្ណៈ សុខះ និងពលះ កុំបីឃ្លៀងឃ្លាតឡើយ ។
ដោយ ប៊ុន រដ្ឋា