ខេត្តកំពង់ធំ ហេតុការណ៍ដែលគួរឱ្យភ្ញាក់ផ្អើល បានកើតឡើង លើបុរសពីរនាក់ បណ្ដាលឲ្យស្លាប់ នៅកន្លែងកើតហេតុផ្សេងគ្នា យ៉ាងអណោចអធ័ម.កន្លែងទីមួយ.ស្ថិតនៅចំណុចភូមិមហរ៍ ឃុំជ័យ.ស្រុកកំពង់ស្វាយ ខេត្តកំពង់ធំកាលពីវេលាម៉ោង វេលាម៉ោង ១៦ និង ១៥ នាទីថ្ងៃទី ២៦ ខែឧសភា ឆ្នាំ ២០២០។
សាកសព ស្លាប់ដោយសាររន្ទះបាញ់ទីមួយ ឈ្មោះ សេង វ៉ាត ភេទប្រុស អាយុ៦៤ឆ្នាំ ជនជាតិខ្មែរ.រស់នៅភូមិ-ឃុំកើតហេតុខាងលើ ខណៈពេលដែល ដើរទៅមើលគោឯស្រែ ពេលមេឃកំពុងភ្លៀង ត្រូវបានរន្ទះបាញ់ស្លាប់តែម្តង។
ចំណែកទីពីរ សពឈ្មោះ បៀន ហុីម ភេទប្រុស អាយុ៣៣ឆ្នាំ ជនជាតិខ្មែរ រស់នៅភូមិ-ឃុំកើតហេតុ.គឺស្ថិតនៅភូមិត្រាច ឃុំត្បែង ស្រុកកំពង់ស្វាយ ខេត្តកំពង់ធំ.បានស្លាប់ដោយសាររន្ទះបាញ់ កាលពីវេលាម៉ោង ១៨ និង ៤០ នាទី កាលពីថ្ងៃទី២៦ខែឧសភា ឆ្នាំ២០២០ ខណៈពេលកំពុងដើរ ទៅដឹកគោ ពេលមេឃកំពុងភ្លៀង ត្រូវបានរន្ទះបាញ់ស្លាប់តែម្តង បន្ទាប់ពីសមត្ថកិច្ចបានពិនិត្យនិងធ្វើកោសល្យវិច័យរួចមក ក៏បានប្រគល់សាកសពបុរស ទាំងពីរឱ្យទៅសាច់ញាតិទទួលយកទៅធ្វើបុណ្យតាមប្រពៃណី៕
ដោយ.ប៊ុន រដ្ឋា
