អង្ករចំនួនបីតោន មីចំនួន២០០កេស ត្រូវបានឯកឧត្ដមឧត្ដមសេនីយ៍ឯកហ៊ុនម៉ាណែត ប្រគល់ជូនបញ្ជាការដ្ឋានតំបន់ប្រតិបត្តិការសឹករងកំពង់ធំ
ខេត្តកំពង់ធំ ឯកឧត្តមឧត្តមសេនីយ៍ឯកបណ្ឌិត ហ៊ុន.ម៉ាណែត អគ្គមេបញ្ជាការរងកងយោធពខេមរភូមិន្ទ.មេបញ្ជាការ កងទ័ពជើងគោក បានផ្ដល់ អង្ករ៣ តោន និងមី២០០កេស ជូនដល់ បញ្ជាការដ្ឋាន តំបន់ប្រតិបត្តិការសឹករងកំពង់ធំ ដើម្បី ឱ្យធ្វើការងារមនុស្សធម៌ នៅព្រឹកថ្ងៃសុក្រទី២៩ខែឧសភាឆ្នាំ២០២០។
ដោយមើលឃើញ ពីសកម្មភាពរបស់បញ្ជាការដ្ឋានតំបន់ប្រតិបត្តិការសឹករងកំពង់ធំ និងគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ ក្នុងការជួយដោះស្រាយការលំបាកខ្វះខាតជូនដល់អតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាតនៅតាមមូលដ្ឋានក្នុងខេត្តកំពង់ធំ ។
ឯកឧត្ដមឧត្ដមសេនីយ៍ឯកហ៊ុនម៉ាណែត បានចាត់តាំងតំណាងយកអង្ករចំនួន៣,០០០ គីឡូក្រាម និងមីកូរ៉េចំនួន២០០កេស ផ្តល់ជូនឯកឧត្ដមឧត្ដមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជា ខេត្តកំពង់ធំ ដេីម្បីបន្តធ្វើសកម្មភាពមនុស្សធម៌បម្រើដល់គ្រួសារអតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាតនៅក្នុងខេត្តកំពង់ធំ ។
ឯកឧត្ដមឧត្ដមសេនីយ៍ទោសោម ស៊ុន បានប្តេជ្ញាចិត្តថា នឹងយកស្បៀងអាហារទាំងអស់នេះទៅជូនឲ្យដល់ដៃបងប្អូនអតីតយុទ្ធជន និងប្រជាពលរដ្ឋយេីង ដែលមានជីវភាពលំបាកខ្វះខាតនៅក្នុងខេត្តកំពង់ធំ ឲ្យដល់លំនៅដ្ឋានជាបន្តទៅទៀត និង
បានគោរពជូនពរឯកឧត្តមហ៊ុន ម៉ាណែត និងលោកជំទាវព្រមទាំងបុត្រាបុត្រី សូមបានប្រកបដោយសេចក្តីសុខ សេចក្តីចម្រើន ជួបប្រទះតែនឹងពុទ្ធពរទាំងបួនប្រការគឺអាយុ វណ្ណៈ សុខះ និងពលះ កុំបីឃ្លៀងឃ្លាតឡើយ ។ដោយប៊ុនរដ្ឋា
