ខេត្តកំពង់ធំ: លោកតាន់ ម៉េងឆាង ប្រធានការិយាល័យ ផលិតកម្ម បសុព្យាបាលសត្វ ខេត្តកំពង់ធំ,, បានសហការ ជាមួយសាខាក្រុមហ៊ុន cp ដើម្បីប្រជុំពិភាក្សា ផ្សព្វផ្សាយ ម្ចាស់កសិដ្ឋានចិញ្ចឹមជ្រូកមាន់ នៅក្នុងខេត្តកំពង់ធំខេត្តកំពង់ធំ ពិធីនេះ ត្រូវបានធ្វើឡើងនៅរសៀល ថ្ងៃទី 5 ខែមិថុនា ឆ្នាំ 2020ស្ថិតនៅភូមិ បល្ល័ង្កលិច សង្កាត់ដំរីជាន់ខ្លា ក្រុងស្ទឹងសែនខេត្តកំពង់ធំ។
កិច្ចប្រជុំនេះត្រូវបានអញ្ជើញចូលរួម ពីសំណាក់ ក្រុមបច្ចេកទេសក្រុមហ៊ុន cp នឹងតំណាងទីផ្សារ រួមទាំងមន្រ្តីការិយាល័យផលិតកម្ម បសុព្យាបាលសត្វ ខេត្តកំពង់ធំ រួមទាំងម្ចាស់កសិដ្ឋានចិញ្ចឹមមាន់ជ្រូក សរុប82រោង កសិកម្មដ្ឋានជ្រូក 42រោង ដើម្បីរៀបចំ សំណុំបែបបទ ឯកសារ ដើម្បីស្នើសុំ អោយមានលក្ខណៈស្របច្បាប់ ទៅអាជ្ញាធរដែនដី.ដើម្បីចិញ្ចឹមមាន់ជ្រូកគោ រួមទាំងការដឹកចេញ និងនាំចូល ដែលមានគុណភាពល្អ និងសុវត្ថិភាព ដល់សុខភាពប្រជាពលរដ្ឋ។ 
លោក.ចែ យ៉ាណូ នាយកគ្រប់គ្រងតំបន់បី (D3) ក្រុមបច្ចេកទេសតំណាងឲ្យក្រុមហ៊ុនស៊ីភីប្រចាំខេត្តកំពង់ធំបានធ្វើការណែនាំនូវបច្ចេកទេស ការថែរក្សាសត្វ ការព្យាបាលសត្វ និងការទុកដាក់សត្វអោយមានសុវត្ថិភាព និងការដឹកជញ្ជូន ទៅលក់នៅទីផ្សារ ស្របតាម លក្ខន្តិកៈនិងការណែនាំ របស់ក្រុមហ៊ុន ដើម្បីតម្រូវការរបស់ក្រុមហ៊ុន ដែលជាភាគីដៃគូ វិនិយោគ ក្នុងការចិញ្ចឹម មាន់ ជ្រូកគោ។
លោកតាន់ ម៉េងឆាង ប្រធានការិយាល័យផលលិតកម្មបសុព្យាបាលសត្វ ខេត្តកំពង់ធំ. បានមានប្រសាសន៍ គោលបំណងនៃការប្រជុំផ្សព្វផ្សាយច្បាប់ ជាមួយម្ចាស់កសិដ្ឋានចិញ្ចឹមមាន់ជ្រូក គឺជាពិភាគក្សា ការរៀបចំ ការដាក់ពាក្យស្នើសុំ លិខិតបង្កើតកសិដ្ឋាន.ចិញ្ចឹមជ្រូកមាន់.នៅក្នុងមូលដ្ឋានខេត្តកំពង់ធំ.និងពិភាក្សាបច្ចេកទេសផ្សេង។ 
លោក បានបន្តថា.សុំឱ្យបងប្អូន ម្ចាស់កសិដ្ឋាន ចិញ្ចឹមសត្វទាំងអស់ ត្រូវអនុវត្ត ឲ្យបានម៉ឺងម៉ាត់ ស្នើសុំ ង្កើតកសិដ្ឋានចិញ្ចឹមមាន់ជ្រូកឲ្យមានលក្ខណៈស្របច្បាប់ ចំពោះកសិដ្ឋានខ្នាតតូចណែនាំឲ្យដាក់ពាក្យស្នើសុំនៅច្រកចេញចូលតែមួយ នៃរដ្ឋបាលខេត្តកំពង់ធំ ចំពោះកសិដ្ឋានខ្នាតធំ ឬខ្នាតមធ្យម ត្រូវដាក់ពាក្យស្នើសុំ ទៅអគ្គនាយកដ្ឋានសុខភាពសត្វ និងបសុព្យាបាលសត្វ នៃក្រសួងកសិកម្ម រុក្ខាប្រមាញ់និងនេសាទ ក្នុង ក្នុងនោះមានឆ្លងបច្ចេកទេស និងគោលការណ៍បច្ចេកទេស ដែលមានការឯកភាព ពីអគ្គនាយកដ្ឋានសុខភាពសត្វ និងបសុព្យាបាលសត្វដើម្បីបញ្ចៀស នូវផលប៉ះពាល់៕ ដោយប៊ុនរដ្ឋា
