ខេត្តកំពង់ធំ : ឯកឧត្តមសុខ លូ អភិបាល នៃ គណៈ អភិបាល ខេត្តកំពង់ធំបានអញ្ជើញ ជាអធិបតីភាព ក្នុងពិធីចាប់ឆ្នោតដីឡូត៍ លំនៅឋាននិងដីកសិកម្មសម្បទានសង្គមកិច្ច ចំនួន៩១គ្រួសារ មកពីភូមិ៨ ក្នុងឃុំដូង.ស្រុកប្រាសាទបល្ល័ង្ក ខេត្តកំពង់ធំនៅព្រឹក ថ្ងៃទី ១៦ខែ មិថុនាឆ្នាំ២០២០។
ពិធីចាប់ឆ្នោតយកដីឡូត៍លំនៅឋាន និង ដី កសិកម្ម សម្បទានសង្គមកិច្ច ត្រូវបានធ្វើឡើងនៅ.ចំណុចដីសម្បទានសេដ្ឋកិច្ច ស្ថិតនៅក្នុងឃុំដូង ស្រុកប្រាសាទបល្ល័ង្ក ខេត្តកំពង់ធំ និងជាការចាប់ឆ្នោតលើកទី៤ និងជាលើកចុងក្រោយ មានចំនួន៩១គ្រួសារ ជូនដល់បងប្អូនប្រជាពលរដ្ឋ ដែលមានជីវភាពខ្វះខាត។
លោក អ៉ឹម សុឌីណា ប្រធានសូរិយោដីខេត្តកំពង់ធំ បានឲ្យដឹងថា ដីឡូត៍លំនៅឋាន សម្រាប់ចែជូនបងប្អូន ប្រជាពលរដ្ឋ មានទំហំទទឹង30ម បណ្តោយ40ម និងដីកសិកម្ម ចំនួន២ហិចតា ក្នុងមួយគ្រួសារ សម្រាប់ដីធ្លីដែលបានចែកជូនបងប្អូនប្រជាពលរដ្ឋនេះ គឺមិនអនុញាតិឲ្យលក់ដូរ នៅឡើយ ការចែកជូនសរុបទាំង៤លើក មានប្រជាពលរដ្ឋ សរុប៦៥០គ្រួសារ ។
ឯកឧត្តម សុខ លូ អភិបាល ខេត្ត កំពង់ធំ បានមានប្រសាសន៍ថា ក្រោមការដឹកនាំរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីហ៊ុនសែន នៃព្រះរាជាណាចក្រកម្ពុជា បានយកចិត្តទុកដាក់ចំពោះបងប្អូនប្រជាពលរដ្ឋដែលមានការខ្វះខាត.និងពុំ មានលទ្ធភាព ត្រូវជួយដោះស្រាយ ដោយសហការជាមួយអង្គការ ដៃគូអភិវឌ្ឍន៍ ជាក់ស្តែងគម្រោងចាប់ឆ្នោតយកដីឡូត៍លំនៅឋាននិងដីកសិកម្ម ជូនសម្បទានិក ៩១គ្រួសារ របស់គម្រោងបែងចែកដីសម្បទាននិងការអភិវឌ្ឍសេដ្ឋកិច្ចជំហានទី២ LASED ។
ឯកឧត្តម សុខ លូ បានផ្តាំផ្ញើដល់បងប្អូនប្រជាពលរដ្ឋ.ឲ្យ នាំគ្នាមករស់នៅ លើដីដែលបានចែកជូន និងបន្តការដាំដុះ បន្លែបង្ការដំណាំ ផ្កួបផ្សំ និងចិញ្ចឹមសត្វដើម្បីជួយសម្រួល ដោះស្រាយជីវភាពរស់នៅប្រចាំថ្ងៃ ក្នុងនោះឯកឧត្តម.បានអំពាវឲ្យចូលរួមគោរពច្បាប់ចរាចរណ៍ ទាំងអស់គ្នា ដើម្បីកាត់បន្ថយការគ្រោះថ្នាក់ចរាចរណ៍ និងត្រូវចូលរួម ការពារទប់ស្កាត់ ការជួញដូរនិងចែកចាយគ្រឿងញៀន កុំទុកបញ្ហាគ្រឿងញៀនជារបស់សមត្ថកិច្ច បើគ្មានការចូលរួមពីបងប្អូនគ្រឿងញៀន និងទៅដល់សាច់ញាតិបងប្អូនមិនខាន៕ ដោយប៊ុន រដ្ឋា