ភ្នំពេញ៖ កម្លាំងនគរបាលខណ្ឌទួលគោក សហការជាមួយសមត្ថកិច្ចព្រហ្មទណ្ឌកម្រិតស្រាល ដេញចាប់ខ្លួនចោរឆក់កាបូបអ្នកលក់កាហ្វេម្នាក់បានសម្រេច ខណៈដែលព្យាយាមជិះគេចខ្លួនប៉ុន្ដែរត់មិនរួចពីសំណាញច្បាប់របស់សមត្ថកិច្ច ។
ហេតុការណ៍ខាងលើបានកើតឡើងនៅវេលាម៉ោង៣ រសៀលថ្ងៃទី២៥ ខែមិថុនា ឆ្នាំ២០២០ នៅតាមបណ្តោយផ្លូវលេខ៥៩៨ សង្កាត់បឹងកក់២ ខណ្ឌទួលគោក រាជធានីភ្នំពេញ ។
ប្រភពព័ត៌មានបានឲ្យដឹងថា ជនសង្ស័យបានមកផឹកកាហ្វេនៅហាងរបស់នារីរងគ្រោះដែលមានអាស័យដ្ឋានដូចខាងលើប្រហែលវេលាម៉ោង១២ជាង បានផឹកអស់កាហ្វេ៣កែវ លុះមកដល់ម៉ោង១៥និង០០រសៀលជនសង្ស័យបានឃើញម្ចាស់ហាងដើរទៅចូលបន្ទប់ទឹកនៅតែក្មួយក៏បានហៅក្មួយម្ចាស់ហាងនោះគិត លុយកាហ្វេ រួចបានឆ្លៀតឱកាសលួចឆក់កាបូបហើយរត់ឡើងម៉ូតូគេចខ្លួនបាត់ស្រមោល ។
ប្រភពពីក្មួយស្រីម្ចាស់ហាងកាហ្វេបានប្រាប់ឲ្យដឹងថា បន្ទាប់ពីឆក់កាបូបបានសម្រេច ជនសង្ស័យបានរត់ឡើងម៉ូតូម៉ាក Version ពណ៌ខ្មៅ ដែលពាក់ស្លាក់លេខភ្នំពេញ1GJ-5494 ជិះទៅបាត់ដោយខ្លួនជាស្រីខំចាប់ដែលតែមិនឈ្នះ ។
ក្រោយកើតហេតុសមត្ថកិច្ចមូលដ្ឋានបានប្រកាសគ្រប់បណ្តាខណ្ឌឲ្យជួយមើល ភិនភាគជនសង្ស័យដែលពាក់អាវក្រហម និងខោជេីងខ្លីពណ៌ខ្មៅ ហេីយជិះម៉ូតូ Auto ពណ៌ខ្មៅផងដែរ មិនយូរប៉ុន្មានកម្លាំងរបស់ព្រហ្មទណ្ឌកំរិតស្រាល បានឃើញនៅភិនភាគខាងលើក៏បានឃាត់ខ្លួននៅទឹកដីមូលដ្ឋានប៉ុស្តិ៍មនោរម្យ ខណ្ឌ៧មករា ហើយបានបញ្ចូនបន្តទៅទឹកដីកើតហេតុនៅប៉ុស្តិ៍នគរបាលបឹងកក់២ ខណ្ឌទួលគោក ។
បន្ទាប់ពីចាប់បានជនសង្ស័យសមត្ថកិច្ចប៉ុស្តិ៍បឹងកក់២ បាននាំជនរងគ្រោះមកដាក់ពាក្យបណ្តឹងនៅប៉ុស្តិ៍ ហើយឲ្យពិនិត្យមើលកាបូបរបស់ខ្លួនមានបាត់អីអត់ តែតាមការបញ្ចាក់របស់ជនរងគ្រោះថា (អត់បាត់អីទេក្នុងកាបូបមានលុយតែម្ភៃមួយម៉ឺនជាងតែប៉ុណ្ណោះ)ហើយសមត្ថកិច្ចបានរៀបឯកសារ ដើម្បីកសាងសំណុំរឿងចាត់ការបន្ដតាមនីតិវិធី ៕