ខេត្តកំពង់ឆ្នាំង ហេតុការណ៍គ្រោះថ្នាក់ចរាចរណ៍ មួយបានកើតឡើង ដោយសារ រថយន្តវេអង ដឹកដែកសសៃ បុកបង្លាន់ដៃស្ពាន បណ្តាលឲ្យជ្រុលចង្កូតក្រឡាប់ធ្លាក់ស្នាមភ្លោះ កាលពីវេលាម៉ោង 8.35នាទី ស្ថិតនៅចំណុចស្ពាន ក្នុងភូមិក្រោយវត្ត ឃុំខ្លុងពពក ស្រុកទឹកផុសខេត្ត កំពង់ ឆ្នាំង នៅថ្ងៃទី25 ខែមិថុនាឆ្នាំ2020។
តាមការ ឲ្យដឹងពីសាក្សី ដែលបានឃើញហេតុការណ៍ ខាងលើបានបញ្ជាក់ថា មុនពេលកើតហេតុរថយន្ត ប្រភេទ វេអង ក្បាលស ដឹកដែកសរសៃ ពាក់ស្លាកលេខ ភ្នំពេញ 3E4613 របស់ក្រុមហ៊ុនដឹកជញ្ជូន.D N បានបើកបរតាមបណ្តោយលេខ51 ឆ្ពោះទៅខេត្តបាត់ដំបង លុះមកដល់កន្លែង កើតហេតុទំនងរវល់ប្រលែងគ្នា ធ្វើឲ្យរថយន្ដបុកបង្លាន់ដៃស្ពានហើយធ្លាក់ទៅម្ខាងថ្នល់ខូចខាតយ៉ាងធ្ងន់ធ្ងរ តែសំណាងល្អពុំមានអ្នកណាម្នាក់ ទទួលរងគ្រោះថ្នាក់។
ក្នុងករណីគ្រោះថ្នាក់ចរាចរណ៍ ដោយខ្លួនឯងនេះ បើយោងតាមសភាពជាក់ស្តែង ក្រោយពីបានពិនិត្យយ៉ាងម៉ត់ចត់ គឺបន្ទាប់ពី រថយន្ដបុកបង្កាន់ស្ពានហើយ រថយន្តជ្រុលធ្លាក់ទៅស្នាមភ្លោះ កង់ជុចដីបណ្តាលឲ្យផ្ទុះកង់តែម្តង ចំណែកការខូចខាតទ្រព្យសម្បត្តិសាធារណះ គឺបង្កាន់ដៃស្ពានមួយចំហ៊ាងរងការបាក់បែកទាំងស្រុង។
ក្រោយពីកើតហេតុណ៍ ចាប់ពីយប់ថ្ងៃទី 25 រហូតដល់ព្រឹកថ្ងៃទី 26ខែមិថុនា ឆ្នាំ២០២០ គឺពុំទាន់ឃើញមាន សមត្ថកិច្ចជំនាញ នៃ មន្ទីរសាធារណការខេត្តកំពង់ឆ្នាំង និងអាជ្ញាធរចុះមកពិនិត្យនិងវាយតំលៃនៃការខូចខាតនោះឡើយ៕
