ភ្នំពេញ៖ អនុវត្តន៍តាមផែនការដឹកនាំរបស់លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល និងជាប្រធានគណៈបញ្ជាការឯកភាពខណ្ឌ នៅព្រឹកថ្ងៃទី៣០ ខែមិថុនា និងថ្ងៃទី០១ ខែកក្កដា ឆ្នាំ២០២០ លោក ហោ វាសនា និង លោក សេង គន្ធ អភិបាលរងខណ្ឌ រួមជាមួយលោក គន់ ចាន់សុភារី និងលោក ទ្រី ណារ៉េត នាយករងរដ្ឋបាលសាលាខណ្ឌ និងដោយមានការចូលរួមពីកងកម្លាំងនគរបាលនៃអធិការដ្ឋាននគបាលខណ្ឌ កម្លាំងកងរាជអាវុធហត្ថខណ្ឌ នគរបាល ប៉ុស្តិ៍ មន្ត្រីការិយាល័យសាធារណៈការ ដ.អ.ប (កំលាំងសណ្ដាប់ធ្នាប់)ចុះត្រួតពិនិត្យ និងធ្វេីតេស្ដទឹកនោមរកសារជាតិញៀនអ្នកបេីកបររថយន្តដឹកដី នៅសង្កាត់ឱឡោក សង្កាត់ ស្នោរ និងសង្កាត់ភ្លើងឆេះរទេះ។
លទ្ធផលទទួលបានដូចខាងក្រោម៖
បានត្រួតពិនិត្យអ្នកបេីកបររថយន្ដដឹកដីសរុប ចំនួន ១៦៣ នាក់។
រកឃេីញអ្នកផ្ទុកសារជាតិញៀនចំនួន ០៧នាក់ បញ្ចូនទៅផ្នែកជំនាញ នៃអធិការដ្ឋាននគរបាលខណ្ឌ ដេីម្បីអនុវត្តន៍បន្តតាមនីតិវិធីនៃច្បាប់ ។
