ខេត្តកំពង់ធំ លោកបៀង គង់ អនុប្រធានមន្ទីរកសិកម្ម តំណាង លោកប៉ែន វណ្ណរិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ធំ ដោយមានការអញ្ជើញចូលរួមពីលោក អាំ ប៊ុនថា នាយរង ខណ្ឌរដ្ឋបាលព្រៃឈើខេត្តកំពង់ធំលោកកង សាអុំ ជំនួយការឯកឧត្តមរដ្ឋមន្ត្រីក្រសួងកសិកម្ម បាន
នាំយកថវិកា ចំនួន ៦លានរៀល ប្រគល់ជូនគ្រួសារសព លោក ហ៊ុន គឹមអេង អតីតអនុប្រធានការិយាល័យ នៃមន្ទីរកសិកម្មរុក្ខាប្រមាញ់ និង នេសាទខេត្តកំពង់ធំ ដែលបានទទួលមរណភាពកន្លងមក ពិធីនេះ ត្រូវបានធ្វើឡើង នៅរសៀល ថ្ងៃទី ៩ ខែកក្កដា ឆ្នាំ ២០២០។
ក្រសួងកសិកម្មរុក្ខាប្រមាញ់និងនេសាទ បានចេញ សាររំលែកទុក្ខ អំពីដំណឹងមរណភាពរបស់លោកហ៊ុន គឹមអេង អនុប្រធានការិយាល័យនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ធំ និងមន្ទីរកសិកម្មរុក្ខាប្រមាញ់និងនេសាទខេត្តកំពង់ធំបានសម្ដែងនូវការសោកស្ដាយ ចូល រួមរំលែកទុក្ខជាមួយនិងគ្រួសារសពដែលបានបាត់បង់អតីតថ្នាក់ដឹកនាំមួយរូបធ្លាប់បំរើការងាររដ្ឋកន្លងមកដែលបានបន្សល់ទុកនូវស្នាដៃជាច្រើនជំនាន់ ក៏ដូចជាបាត់បង់មនុស្សជាទីស្រឡាញ់និងអ្នកមានគុណប្រកបដោយព្រហ្មវិហារធម៌ជាទីគោរពនិងស្រឡាញ់ ក្នុងនាមថ្នាក់ដឹកនាំនិងមន្ត្រីរាជការគ្រប់ជាន់ថ្នាក់ នៃមន្ទីរកសិកម្មខេត្តកំពង់ធំ សូមសម្ដែងនូវ ការសោកស្ដាយ អាឡោះអាល័យក្រៃ
លែង។
លោកបៀង គង់ អនុប្រធានមន្ទីរកសិកម្ម រួមជាមួយនឹងក្រុមការងារ បានផ្តល់ថវិការ៦ លានរៀលជូនគ្រួសារសពលោកហ៊ុន គឹមអេង ស្ថិតនៅភូមិកំពង់រទេះ សង្កាត់កំពង់រទេះ ក្រុងស្ទឹងសែនខេត្តកំពង់ធំ។ 
ក្រុមគ្រួសារសពរបស់លោកហ៊ុន គឹមអេង បានថ្លែងអំណរគុណឯកឧត្តមរដ្ឋមន្រ្តីក្រសួងកសិកម្មរុក្ខាប្រមាញ់និងនេសាទ និងលោកប៉ែនវណ្ណរិទ្ធប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ធំ រួមទាំងក្រុមការងារដែលបានជួយឧបត្ថម្ភថវិកា ដល់គ្រួសារនាងខ្ញុំ សូមគោរពជូនពរប្រកបកិច្ចការបានសម្រេចជោគជ័យគ្រប់ទិសទី ក្នុងកិច្ចការបំរើជាតិ និងប្រកបដោយ ពុទ្ធពរទាំងបួនប្រការ គឺអាយុវណ្ណៈសុខៈពលៈកុំបីឃ្លៀងឃ្លាតឡើយ។
ដោយប៊ុនរដ្ឋា
