សង្កាត់​រដ្ឋបាល​ព្រៃឈើ​ខ្វាវសហការជាមួយប៉េអ៉ឹមស្រុកជីក្រែងបង្រ្កាបការដឹកជញ្ជូនឈើដោយខុសច្បាប់

0

ខេត្ត​សៀមរាប​ សកម្មភាព​ភាព​ដឹកជញ្ជូន​ឈើ ដោយខុសច្បាប់​ នៅ​ឃុំ ខ្វាវ​ ស្រុក​ជីក្រែង​ខេត្ត​សៀមរាប​ ត្រូវ​បាន​ចាត់វិធាន ជាបន្តបន្ទាប់ ក្រោមការណែនាំរបស់លោក ម៉ុង ប៊ុនលីម នាយខណ្ទរដ្ឋបាលព្រៃឈើសៀមរាប និងការចង្អុលបង្ហាញរបស់ លោក ទា គឹម​សុទ្ធ​ ប្រធាន​មន្ទីរ​កសិកម្ម​ រុក្ខា​ប្រមាញ់​និង​នេសាទ​ ខេត្ត​សៀមរាប។

ជាក់ស្តែង​ សកម្មភាព​បង្រ្កាបបទល្មើសព្រៃឈើ ដែល​ដឹកជញ្ជូន​ដោយ​គ្មាន​លិខិត​អនុញ្ញាត​ ត្រូវ​បាន​សមត្ថកិច្ច​ជំនាញរដ្ឋបាលព្រៃឈើ ខ្វាវ សហការ​ជាមួយ​ កម្លាំង​កង​រាជ​អាវុធហត្ថ​ស្រុក​ជីក្រែង​ ចុះបង្រ្កាបនៅថ្ងៃទី 12 ខែកក្កដា​ឆ្នាំ​២០២០​ បង្រ្កាប​បាន​កាឡេថងចំនួន2គ្រឿង នៅចំនុចទីតាំងចាប់ ជាចំនុចឈ្មួញធ្វើសកម្មភាពដឹកជញ្ជូនឈើដូចហែរក:ឋិន ស្ទើរ​តែជារៀងរាល់ថ្ងៃ​ ស្ថិត​នៅ​ភូមិ​ព្រៃ​ឆ្កា​ ឃុំពង្រលើ. ស្រុកជីក្រែង ខេត្ត​សៀមរាប។

កិច្ច​សហ​ប្រតិបត្តិ​ការ​បង្ក្រាប​បទល្មើស​ព្រៃឈើ​ គឺត្រូវបានដឹកនាំ​បញ្ជា​ផ្ទាល់​ដោយ​លោក ភោគ​វិ​រះ​នាយសង្កាត់​រដ្ឋបាល​ព្រៃឈើ​ឃុំខ្វាវ និងលោក ហង្ស​ វិចិត្រ​ មេបញ្ជាការ​កង​រាជ​អាវុធហត្ថ​ស្រុក​ជីក្រែង​ ចំណែក​លទ្ធផល​នៃ​ការ​ចុះបង្រ្លាបដោយ មិនទាន់​បាន​សរុបចំនួនបរិមាណឈើនៅឡើយទេ ដោយសារ​កម្លាំង​ជំនាញ​កំពុង​តែ​នាំយកមករក្សាទុក នៅសង្កាត់រដ្ឋបាល​ព្រៃ​ខ្វាវ ដើម្បី​ធ្វើ​ការ​វាស់​វែង​។

មតិគាំទ្រ​ពី សំណាក់​មហាជន​ បានកោតសើរ លោកមេបញ្ជាការកងរាជ​អាវុធហត្ថ​ស្រុក​ជីក្រែង​ និងលោក ភោគ វីរៈ​ នាយសង្កាត់​រដ្ឋបាល​ព្រៃឈើ​ខ្វាវ ដែល​បានសហការ​ អនុវត្ត​បង្រ្កាប​បទ​ល្មើស​ ផ្សេង​ៗ​ តាមការណែនាំចង្អុលបង្ហាញ របស់​ថ្នាក់​ដឹកនាំ​ធ្វើ​ឲ្យបទល្មើសព្រៃឈើ​ និងបទល្មើសគ្រឿងញៀន ចោរលួច ចោរប្លន់​ នានា មានការថយចុះ​គួរឲ្យ​កត់សម្គាល់។
ដោយ​ប៊ុន​រដ្ឋា​