ខេត្តកំពង់ធំ មានហេតុការណ៍ដែលបង្កឲ្យមានការភ្ញាក់ផ្អើលមួយកើតឡើង ដោយជនសង្ស័យ បានសម្លាប់ស្ត្រីម្នាក់ជាអ្នកបើកកន្លែងរក្សាព្យាបាល ជំងឺបណ្តាលឲ្យស្លាប់ហើយយកសាកសពទៅបោះចោលក្នុងស្រះទឹក។
ហេតុការណ៍នេះ ត្រូវបានគេប្រទះ ឃើញសាកសព អាគីវេលាម៉ោង ៦.២០ នាទី ថ្ងៃទី21 ខែកក្កដាឆ្នាំ២០២០ នៅចំនុច ភូមិខ្វាន់ទៀង ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ចំណែកឃាតករ ពុំត្រូវបាន គេស្គាល់អត្តសញ្ញាណ បានកាប់ទៅលើជនរងឈ្មោះ ស្រ៊ុន ចន្ទ្រា ភេទស្រី អាយុ ២៩ឆ្នាំ រស់នៅភូមិឃុំកើតហេតុ មុខរបរ បើកបន្ទប់ព្យាបាលជំងឺទូទៅ ត្រូវជនសង្ស័យកាប់ ចំករក្រោមត្រចៀក បណ្តាលអោយស្លាប់ភ្លាម។
ក្រោយកើតហេតុ សាលសពត្រូវបានបុរសជាប្តី បានប្រទះឃើញនៅក្នុងស្រះទឹកក្រោយផ្ទះ ចម្ងាយប្រហែល ១០០ម៉ែត្រ ក្រោយពេលកើតហេតុសមត្ថកិច្ចជំនាញនិងក្រុមគ្រូពេទ្យនៃស្នងការដ្ឋាននគរបាលខេត្តកំពង់ធំបានចុះទៅពិនិត្យសាកសពនៅកន្លែងកើតហេតុ ក្នុងនោះ កម្លាំងនគរបាលនៃអធិការដ្ឋាន ស្រុកប្រាសាទបល្ល័ង្ក បាននាំខ្លួនប្តី និងឪពុកក្មេកទៅអធិកាដ្ឋានដើម្បីសាកសួរ ចំណែកសាកសពត្រូវបានប្រគល់ជូនបងប្អូនសាច់ញាតិ ទទួលយកទៅធ្វើបុណ្យតាមប្រពៃណី៕
ដោយប៊ុនរដ្ឋា
