ខេត្តកំពង់ធំ.ក្រុមគ្រួសារជនរងគ្រោះឈ្មោះ តាប់ ទុំ និងកូនស្រីឈ្មោះ ថៃ វុត្តា ដែលរងគ្រោះដោយគ្រោះថ្នាក់ចរាចរណ៍ ស្ថិតក្នុងភូមិ សំណាក ឃុំកកោះ ស្រុកសន្ទុក ខេត្តកំពង់ធំ បានទទួលអំណោយជួយឧបត្ថម្ភពីព្រះរាជអាជ្ញា ខេត្តកំពង់ធំ កាលពីថ្ងៃទី ២៩ ខែកក្កដា ឆ្នាំ២០២០។ 
ក្រោមការយកចិត្តទុកដាក់ របស់ឯកឧត្តមព្រះរាជអាជ្ញាអយ្យការអមសាលាដំបូងខេត្តកំពង់ធំ បានគិតគូរពីជីវភាពរស់នៅ របស់ក្រុមគ្រួសារជនរងគ្រោះឈ្មោះ តាប់ ទុំ និងកូនស្រីឈ្មោះ ថៃ វុត្តា ដែលរងគ្រោះដោយគ្រោះថ្នាក់ចរាចរណ៍ ដែលកំពុងតែជួបប្រទះនឹងការខ្វះខាត ទើបបានរៀបចំ ស្បៀងអាហារនិងថវិការ ជួយឧបត្ថម្ភ ខណៈកំពុងព្យាបាលជំងឺ។
លោក ដួង សារ៉ន ព្រះរាជអាជ្ញារង តំណាង បាននាំយកថវិកាចំនួនរបស់ ឯកឧត្តម ស៊ិន វិរៈ ព្រះរាជអាជ្ញា នៃអយ្យការអមសាលាដំបូងខេត្តកំពង់ធំ
និងលោក ទុំ សោភ័ណ្ឌ ព្រមទាំងគ្រឿងឧបភោគបរិភោគ និងសម្ភារសិក្សាមួយចំនួន ប្រគល់ជូនរបស់ក្រុមគ្រួសារឈ្មោះ តាប់ ទុំ និងកូនស្រីឈ្មោះ ថៃ វុត្តា ដើម្បីដោះស្រាយជីវភាពរស់នៅប្រចាំថ្ងៃ។
ឯកឧត្តមសិន វិរៈ បានផ្តាំផ្ញើដល់ក្រុមគ្រួសាររងគ្រោះ ខិតខំថែរក្សាសុខភាព ហូបស្អាត ផឹកស្អាត រស់នៅស្អាត អនុវត្តតាមការណែនាំរបស់ក្រសួងសុខាភិបាល ដើម្បីការពារទប់ស្កាត់ការ ឆ្លងរីករាលដាលមេរោគកូវីដ 19 ខណៈពេលដែលមេរោគកូវិដ១៩កំពុងតែរីករាលដាល ស្ទើរតែពេញពិភពលោក៕
ដោយប៊ុនរដ្ឋា
