តាកែវ ៖ ទីតាំងលួចលាក់ដាំដំណាំកញ្ឆាខុសច្បាប់មួយចំនួនធំ នៅស្រុកគីរីវង់ ត្រូវបានសមត្ថកិច្ចរុករកឃើញនិងកាប់ដុតបំផ្លាញចោលបន្ថែមទៀត នៅដើមខែសីហានេះ។ក្រោមការចង្អុលបង្ហាញពីសំណាកលោកឧត្តមសេនីយ៍ទោ សុខ សំណាង ស្នងការ នគរបាលខេត្តតាកែវ កម្លាំងជំនាញអធិការដ្ឋាននគរបាលស្រុកគីរីវង់ បានបន្តចុះរុករកកាប់នឹងដុតបំផ្លាញដំណាំកញ្ឆា ដែលជនខិលខួចលួចដាំខុសច្បាប់ បានចំនួន០៨ទីតាំង បំផ្លាញអាងស្តុបទឹកចំនួន០៤ នៅចំណុចដុបបែកថ្លាង ស្ថិតនៅក្នុងភូមិជ្រោយ ឃុំព្រះបាទជាន់ជុំ ស្រុកគីរីវង់ ខេត្តតាកែវ ដែលមានផ្ទៃដីប្រមាណ១៥១៨ម៉ែត្រការ៉េ នេះគិតត្រឹមព្រឹកថ្ងៃទី០៣ ខែសីហា ឆ្នាំ២០២០នេះ។ ក្រោយការកាប់ដុតបំផ្លាញ់ដំណាំកញ្ឆា ដែលបានរុករកឃើញ កម្លាំងជំនាញកំពុងបន្តការស្រាវជ្រាវស្វែងរកម្ចាស់អ្នកដាំដំណាំកញ្ឆា ដើម្បីយកមកផ្ដន្ទាទោសតាមផ្លូវច្បាប់៕
