ខេត្តកំពង់ធំ ឯកឧត្តម សុខ លូ ប្រធានគណៈបញ្ជាការឯកភាពរដ្ឋបាលខេត្តកំពង់ធំ បានអញ្ជើញជាអធិបតីភាព ក្នុងពិធី ចែកមួកសុវត្ថិភាព ជូនដល់ប្រជាពលរដ្ឋ ដែលបានឆ្លើយសំណួរ ពាក់ព័ន្ធទៅនឹង ច្បាប់ចរាចរណ៍ផ្លូវគោកថ្មី ពិធីនេះត្រូវបានធ្វើឡើង នៅរសៀល ថ្ងៃទី 14 ខែសីហា ឆ្នាំ 2020 ស្ថិតនៅ ក្នុងបរិវេណសួនច្បារ ក្រុងស្ទឹងសែន ខេត្តកំពង់ធំ។
, ពិធីផ្សព្វផ្សាយ និងរឹតបន្តឹង ច្បាប់ចរាចរណ៍ផ្លូវគោកថ្មី ត្រូវបានរៀបចំឡើងដោយ សាខាកាកបាទក្រហម ខេត្តកំពង់ធំ សហការជាមួយមន្ទីរសាធារណការនិងដឹកជញ្ជូនខេត្តកំពង់ធំ ក្នុងពិធីមានការឆ្លើយសំនូរ ចម្លើយ ពាក់ព័ន្ធនឹងការប្រើប្រាស់ ទោចក្រយានយន្ត លើបណ្តោយផ្លូវសាធារណះ និងស្ទង់កំរិតយល់ដឹង ពីច្បាប់ចរាចរណ៍ផ្លូវគោគថ្មី ក្នុងគោលបំណងចូលរួមគោរពច្បាប់ចរាចរណ៍ទាំងអស់គ្នាដើម្បីកាត់បន្ថយ ការ គ្រោះថ្នាក់ចរាចរ។
ឯកឧត្តមសុខ លូ ប្រធានគណៈ កម្មាធិការសាខាកបាទក្រហមកម្ពុជាសាខាខេត្តកំពង់ធំ បានមានប្រសាសន៍អំពាវនាវដល់បងប្អូនប្រជាពលរដ្ឋ ឲ្យ ចូលរួមគោរពច្បាប់ចរាចរណ៍ផ្លូវគោក ពាក់មួកសុវត្ថិភាព ដាក់ខ្សែក្រវាត់ បំពាក់ឧបករណ៍បច្ចេកយានយន្តឲ្យគ្រប់ បើកបរក្នុងល្បឿនតាមច្បាប់កំណត់ ដើម្បីកាត់បន្ថយការគ្រោះថ្នាក់ចរាចរណ៍កើតឡើង ដោយសារអត្រាគ្រោះថ្នាក់ចរាចរណ៍ មានសន្ទុះកើនឡើង បណ្តាលឲ្យមានអ្នកស្លាប់របួស ពិការ និងបាត់បងទ្រព្យសម្បត្តិ បន្ថែមលើភារះដល់គ្រួសារមួយចំនួន។ 
នៅក្នុងឱកាសនេះដែរ ឯកឧត្តមសុខលូ បានសំណូមពរដល់បងប្អូនប្រជាពលរដ្ឋ ចូលរួម ការពារ ទប់ស្កាត់ ការឆ្លងរីករាលដាល មេរោគ កូវីត19 ដោយកាត់បន្ថយ ការជួបជុំ ឬពិធីសាសនា នឹងត្រូវ លាងដៃនិងអាកុល ឬសាប៊ូ ពាក់ម៉ាស នៅពេលចូលរួមក្នុងចំណោមមហាជន និងសូមកុំភ្លេចខ្លួនឲ្យសោះ បញ្ហាជំងឺកូវិដ19 មិនទាន់ទៅណាឆ្ងាយពីយើងទេ តែផ្ទុយទៅវិញគឺនៅតែរកឃើញជាបន្តបន្ទាប់៕ ដោយប៊ុនរដ្ឋា
