ខេត្ត បាត់ដំបង ៖ លោក ភួ ប៉ូយ ប្រធានសមាគម ចិន ខ្មែរ ប្រចាំខេត្តបាត់ដំបង រួមជាមួយនឹងអាជ្ញាធរខេត្ត ក្រុង បានសំដែងនូវការមិនពេញចិត្តចំពោះ លោក លឹម ទាឡេង ដែលមាននាទីជា ប្រធានក្រុមប្រឹក្សាភិបាល នៃសមាគម ចិន ខ្មែរ ដែលបានធ្វើសកម្មភាព ទៅកាយដីបំផ្លាញផ្លូវជាលើកទី ២ ដែលផ្លូវនេះត្រូវបានប្រជាពលរដ្ឋធ្វើដំណើររាល់ថ្ងៃ ហើយក៏ធ្លាប់មានបញ្ហាចំរ៉ូងចំរ៉ាស់ម្តងរួចមកហើយ កាលពីពេលថ្មីៗនេះ ដែលបានឈានដល់ការប្តឹងចូលប្រព័ន្ធតុលាការផងដែរ ។
គួរបញ្ជាក់ដែរថា កន្លងមកសមាគមចិន ប្រចាំខេត្តបាត់ដំបង ដែលគ្រប់គ្រងដោយលោក ភួ ប៉ូយ បានបើកការដ្ឋានសាងសង់សាលារៀនមចិន ខ្មែរ មួយកន្លែងនៅខាងក្រោយផ្សារ ភួ ពុយ ក្នុងសង្កាត់ចំការសំរោង ក្រុងបាត់ដំបង ដោយបច្ចុប្បន្នកំពុងដំណើរការសាងសង់របងព័ទ្ធ ហើយក៏កំពុងបុកគ្រឹះផ្ទៃក្នុងសាលា ដើម្បីកសាងអគារផងដែរ ដែលអ្នកគ្រប់គ្រងការសាងសង់នេះ គឺត្រូវបានទៅលើលោក លឹម ទាឡេង ប្រធានក្រុមប្រឹក្សាភិបាល នៃសមាគម ចិន ខ្មែរ ជាអ្នកចាត់ចែង និង មើលការខុសត្រូវ ។
នៅក្នុងដំណាក់កាលនៃការសាងសង់នេះ ស្រាប់តែ នៅរសៀលថ្ងៃទី២៦ ខែសីហា ឆ្នាំ២០២០ បន្ទាប់ពីសាងសង់របងលើផ្លូវអស់ពាក់កណ្តាលហើយនោះ លោក លឹម ទាឡេង បានប្រើប្រាស់គ្រឿងចក្រចុះកាយបំផ្លាញផ្លូវដែលនៅសល់មួយចំហៀង ដែលបច្ចុប្បន្នប្រជាពលរដ្ឋកំពុងធ្វើដំណើររាល់ថ្ងៃ អោយទៅជាប្រលាយ ទើបធ្វើអោយមានការក្តៅក្រហាយ ហើយក៏មានប្រជាពលរដ្ឋប្រមាណ ជាង ១០ គ្រួសារ ចុះមករារាំងប្រឆាំងនឹងការកាយផ្លូវនេះ ។
ស្របពេលជាមួយគ្នានោះដែរ លោក ផេង សិទ្ធី អភិបាលក្រុងបាត់ដំបង បានដឹកនាំក្រុមការងារចុះបញ្ចប់បញ្ហាកាយប្រឡាយបាត់បង់ផ្លូវដើរ (ដីរដ្ឋ) រវាងលោក លឹម ទាឡេង ប្រធានក្រុមប្រឹក្សា នៃសមាគម ចិន ខ្មែរ (សាលារៀនភាសាចិន) ប្រចាំខេត្តបាត់ដំបង និងប្រជាពលរដ្ឋជាង១០គ្រួសារ នោះ ដោយលោកអភិបាលក្រុង បានបញ្ជាអោយភាគីសាលាចិន ចាក់ដីបំពេញ ធ្វើជាផ្លូវអោយបានដូចដើមឡើងវិញ ដើម្បីអោយប្រជាពលរដ្ឋបានធ្វើដំណើរ ។
ប៉ុន្តែនៅពេលនោះ គឺខាងប្រជាពលរដ្ឋបាននាំគ្នារៃអង្គាស ដើម្បីទិញថ្មមកចាក់ធ្វើផ្លូវឡើងវិញ ដោយសារតែពួកគាត់មិនចង់បន្តបញ្ហា ។
នៅក្នុងមហិច្ឆិតាដ៏មហិមានេះ នៅល្ងាចថ្ងៃទី ៨ ខែ កញ្ញា ឆ្នាំ ២០២០ នេះ លោក លឹម ទាឡេង បានប្រើប្រាស់
គ្រឿងចក្រ លបកាយដីផ្លូវរបស់ប្រជាពលរដ្ឋជាលើកទី ២ ក្រោមលេសថា កាយដាក់កញ្រ្ចែងចាក់គ្រឹះសសររបង ប៉ុន្តែ
វាបានបង្កអោយមានការប៉ះពាល់ដល់ផ្លូវដែលប្រជាពលរដ្ឋខំស្ថាបនា ទើបធ្វើអោយមានការភ្ញាក់ផ្អើលជាលើកទី ២ ។
ជុះវិញបញ្ហានេះ លោក អភិបាលក្រុង ផេង សិទ្ធី បានបញ្ជាក់ប្រាប់អ្នកយកព័ត៌មានយើង ថា លោកទើបនឹងបានទទួលព័ត៌មាននៅព្រ លប់នេះដែរ ដូច្នេះនៅព្រឹកថ្ងៃទី ៩ នេះ លោកនឹងចាត់កម្លាំងជំនាញអោយចុះទៅពិនិត្យមើល
ម្តងទៀត ។ ដោយឡែកលោក ភួ ប៉ូយ ប្រធានសមាគម ចិន ខ្មែរ ប្រចាំខេត្តបាត់ដំបង បានមានប្រសាសន៍ថា
រឿងនេះលោកមិនទាន់បានដឹងនៅឡើយទេ ឯការធ្វើសកម្មភាពរបស់លោក លឹម ទេឡេង ក៏មិនមែនខាង
សមាគមបញ្ជានោះដែរ គឺលោកធ្វើដោយចិត្តឯង ។
លោកប្រធានសមាគម បានសង្កត់ធ្ងន់ថា កន្លងមកលោក អភិបាលខេត្ត ងួន រតនៈ ធ្លាប់បានប្រកាសថា
បើទោះបីជាកន្លងមក ទីតាំងខាងលើវាមានសក្ខណៈជាប្រលាយក៏ដោយ ក៏បច្ចុប្បន្នត្រូវតែធ្វើផ្លូវឡើងវិញ
ព្រោះនៅក្នុងតំបន់ខាងលើនាពេលបច្ចុប្បន្ន វាមានភូមិគ្រឹះ វីឡា និងផ្ទះល្វែងព្រោងព្រាតទៅហើយ
ហើយម៉្យាងទៀតពាក្យថា សមាគម ត្រូវអោយមានចិត្តទូលាយ មិនត្រូវធ្វើដូចលោក លឹម ទាឡេង ដែល
បានសាងសង់របងពុសផ្លូវជាពីរបែបនេះនោះទេ វាហាក់បីដូចជាចង្អៀតចង្អល់ខ្លាំងពេក ដូច្នេះតើសកម្មភាព
របស់លោក លឹម ទាឡេង ធ្វើមួយលើក ជាពីរលើក ក្នុងគោលបំណងអ្វី ? ម៉្យាងទៀតលោកក៏ធ្លាប់ប្រាប់
ទៅលោក លឹម ទាឡេង ដែរថា អោយទៅសុំទោសគេទៅ ពាក់ព័នធនឹងករណី បរិហាកេរ្តិ៍ និង ជេរប្រមាថ
លើទីសាធារណៈ កាលពីថ្ងៃមុន ប៉ុន្តែលោក លឹម ទាឡេង បានបដិសេធ ៕ សោ និយមរ័ត្ន
