កំពង់ចាម : ឯកឧត្ដម យឹម ឆៃលី ឧបនាយករដ្ឋមន្ត្រី ប្រធាន ក្រុមប្រឹក្សា ស្តារអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តកំពង់ចាម នាព្រឹក ថ្ងៃ ទី ១០ ខែកញ្ញា ឆ្នាំ ២០២០នេះ បាន អញ្ជើញ ចូលរួមកាន់បិណ្ឌវេនទី៨ នៅវត្តសុទស្សនារាមជ្រោយថ្ម ស្ថិតនៅ ក្នុង សង្កាត់បឹងកុក និងវត្ត បុទុម្ទរតនដីដុះ ស្ថិតក្នុងសង្កាត់វាលវង់ ក្រុងកំពង់ចាម ដោយមានការ អញ្ជើញ ចូលរួម ពី ឯកឧត្តម ខ្លូត ផន ប្រធានក្រុមប្រឹក្សាខេត្ត និង ឯកឧត្តម អ៊ុន ចាន់ដាអភិបាលនៃគណៈអភិបាលខេត្តកំពង់ចាម ព្រមទាំលោកជំទាវ រួមជាមួយថ្នាក់ដឹកនាំ មន្ត្រីរាជការ និងពុទ្ធបរិស័តចំណុះជើងវត្តផងដែរ ។ 
ក្នុងឱកាស នោះដែរ ឯកឧត្តម ឧបនាយករដ្ឋមន្ត្រី យឹម ឆៃលី និង ថ្នាក់ ដឹកនាំ ខេត្តកំពង់ចាម បាន អញ្ជើញ អុជ ទាន ធូប បួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និងប្រគេនពរដល់ព្រះសង្ឃគ្រប់ព្រះអង្គ និងជូនពរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ថ្នាក់ដឹកនាំសមាជិកព្រឹទ្ធសភា ថ្នាក់ដឹកនាំ សមាជិករដ្ឋសភា ព្រមទាំងប្រជាពលរដ្ឋ នៅទូទាំងប្រទេស សូម
ឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នាព្រមទាំងបាន ធ្វើ ពិធី បង្សុកូល ឧទ្ទិស កុសលផល បុណ្យ ដល់ បុព្វការី ជន មាន មាតា បិតា ជីដូន ជីតា ញា តិ្ត ការ ទាំង ៧ សណ្ដាន ដែល បាន ចែក ឋាន ទៅ សូម បាន សោយសុខ ទៅកាន់ ឋាន សុគតិភព កុំបី ភ្លាំងភ្លាត់ ឡើយ ។
ក្នុងពិធីឆ្លងបិណ្ឌវេនទី៨នេះ ដែរ ឯកឧត្តម ឧបនាយករដ្ឋមន្រ្តី និងថ្នាក់ដឹកនាំ មន្រ្តីរាជការ បាននាំយកនូវទេយ្យវត្ថុ និងបច្ច័យ សម្រាប់កសាងប្រគេនដល់ព្រះសង្ឃទាំពីរវត្តព្រមទាំងបានចូលរួមរាប់បាត្រផងដែរ៕
