ខេត្តបាត់ដំបង÷សោនាដកម្មក្នុងហេតុការរន្ទះបាញ់រហូតមកដល់ពេលនេះសមត្ថកិច្ចបញ្ជាក់ឱ្យដឹងថា÷មានជនរងគ្រោះចំនួន៧នាក់ហើយត្រូវបានបាត់បង់ជីវិតចំណែក៣នាក់ទៀតកំពុងសម្រាកព្យាបាល។ដែលហេតុការនេះមានការភ្ញាក់ផ្អើលកាលពីវេលាម៉ោង៦និង៣០នាទីព្រលប់ថ្ងៃទី១៧ខែកញ្ញាឆ្នាំ២០២០ស្ថិតនៅភូមិបឹងធ្មួញឃុំព្រែកជីកស្រុករុក្ខគិរីខណះដែលជនរងគ្រោះទាំងអស់កំពុងជួបជុំគ្នាផឹកសុីជុំបងប្អូនក្នុងរដូវបុណ្យភ្ជុំបិណ្ឌ។
សេចក្ដីរាយការចុងក្រោយពីសមត្ថកិច្ចបានឱ្យដឹងថា÷ពលរដ្ឋដែលបាត់បង់ជីវិតទាំង៧នាក់ខាងលើនេះរួមមាន៖១/ឈ្មោះយ៉ុម.ញ៉ឹបភេទប្រុសអាយុ៥៦ឆ្នាំជាម្ចាស់ផ្ទះត្រូវបាត់បង់ជីវិត។២/ឈ្មោះជា.សុខណាភេទស្រីអាយុ៥៦ឆ្នាំជាប្រពន្ធត្រូវបាត់បង់ជីវិត។៣/ឈ្មោះយ៉ុម.ចរិយាភេទស្រីអាយុ២៥ឆ្នាំជាកូនម្ចាស់ផ្ទះត្រូវបាត់បង់ជីវិត។៤/ឈ្មោះយ៉ុម.រ៉ាវុធភេទប្រុសអាយុ២៦ឆ្នាំជាកូនម្ចាស់ផ្ទះត្រូវបានបាត់បង់ជីវិត។៥/ឈ្មោះអន.វិនភេទប្រុសអាយុ២៧ឆ្នាំជាអ្នករស់នៅខេត្តបាត់ដំបងបាត់បង់ជីវិត។
៦/ឈ្មោះធី.ភេទប្រុសអាយុ៥០ឆ្នាំអ្នកនៅបាត់ដំបងត្រូវបាត់បង់ជីវិតនឹងទី៧អ្នកស្លាប់ចុងក្រោយមានឈ្មោះហួត.ហុងភេទប្រុសអាយុ៤៨ឆ្នាំអ្នកនៅបាត់ដំបងត្រូវបាត់បង់ជីវិតដោយរងរបួសធ្ងន់ធ្ងរពេកមិនអាចសង្គ្រោះបាន។
ចំណែកអ្នករងរបួសធ្ងន់ធ្ងរទាំង៣នាក់ផ្សេងទៀតរួមមាន៖១/ឈ្មោះវឿន.វុត្ថាភេទប្រុសអាយុ៤១ឆ្នាំអ្នកនៅបាត់ដំបងរងរបួសធ្ងន់។២/ឈ្មោះសើក.សារស់ភេទប្រុសអាយុ៤០ឆ្នាំអ្នកនៅបាត់ដំបងរងរបួសធ្ងន់និងទី៣ឈ្មោះឃឿត.សំណាងភេទប្រុសអាយុ២៥ឆ្នាំរស់នៅកន្លែងកើតហេតុខាងលើក៏រងរបួសធ្ងន់ផងដែរ។
ក្រោយពីសមត្ថកិច្ចបានចុះទៅពិនិត្យកន្លែងកើតហេតុបានឱ្យដឹងថាហេតុការដ៏រន្ធត់នេះបានកើតឡើងខណៈពេលដែលជនរងគ្រោះទាំងអស់
កំពុងតែអង្គុយផឹកស៊ីជួបជុំគ្នានៅលើបង់ថ្មខាងមុខផ្ទះពេលព្រលប់ដោយមានសភាពងងឹតក៏ដាក់ភ្លើងសូឡាបំភ្លឺស្របពេលមានភ្លៀងរលឹមតិចៗនឹងមានភ្លេកបន្តោលនឹងផ្គរផងដែរ។ខណៈពេលនោះអំពូលសូឡាបានដាច់ខ្សែលែងភ្លឺម្ចាស់ផ្ទះក៏បានទៅពិនិត្យមើលនឹងយកខ្សែដែលដាច់មកតវិញខណះដែលកំពុងតក៏ស្រាប់តែរន្ទះបានបាញ់ចំតុអង្គុយផឹកស៊ីបណ្ដាលឱ្យមនុស្សដួកដេកទាំងអស់គ្នាតែម្តង។
បើតាមអ្នកនៅមានជីវិតក្នុងហេតុការខាងលើបានអោយដឹងដែរថា÷មុនកើតហេតុមានមនុស្សជាង១០នាក់សរុបទាំងក្មេងៗលុះមានភ្លៀងរលឹមក្មេងៗនាំគ្នាចាកចេញទៅជ្រកភ្លៀងក្រោមផ្ទះបានតែបន្តិចក៏រន្ទះបាញ់តែម្តងស្របពេលម្ចាស់ផ្ទះកំពុងតខ្សែភ្លើងផង។បច្ចុប្បន្នសាច់ញ្ញាតិនឹងក្រុមគ្រួសារសពបានដឹកសពទៅកាន់លំនៅឋានរៀងៗដើម្បីធ្វើបុណ្យតាមប្រពៃណី។ចំណែកសពគ្រួសារម្ចាស់ផ្ទះទាំង៤នាក់ត្រូវបានសាច់ញាតិនិងអ្នកភូមិរៀបចំធ្វើបុណ្យនៅក្នុងវត្តមួយនៅក្នុងភូមិ៕សៅ សារិទ្ធ
