ខេត្តកំពង់ធំ: នៅខេត្តកំពង់ធំ មានពិធីប្រកាសផ្ទេរភារកិច្ចតែងតាំងមុខតំណែងស្នងការនៃស្នងការដ្ឋាននគរបាលខេត្តកំពង់ធំ ដោយលោក ឧត្តមសេនីយទោ ម៉ែន លី អតីតស្នងការដ្ឋាននគរបាលខេត្តឧត្តរមានជ័យ ត្រូវបានក្រសួងមហាផ្ទៃ តែងតាំងជាស្នងការនគរបាលខេត្តកំពង់ធំ.ជំនួសលោម ឧត្តមសេនីយ៍ទោ អ៊ុកកុសល អតីតស្នងការខេត្តកំពង់ធំ ពិធីនេះត្រូវបានធ្វើឡើងនៅ ព្រឹកថ្ងៃទី21 ខែកញ្ញាឆ្នាំ2020។
ពិធីប្រកាសស្នងការនគរបាលខេត្តកំពង់ធំ ស្ថិតក្រោមអធិបតីភាពឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្តមសុខ លូអភិបាលខេត្តកំពង់ធំ ឯកឧត្តម ឈុន ឈន់ ប្រធានក្រុមប្រឹក្សាខេត្តកំពង់ធំ និងគណ:ប្រតិភូ លោកលោកស្រី .ប្រធានអនុប្រធានមន្ទីរជុំវិញខេត្តចូលរួម យ៉ាងអធិកអធម។
ឯកឧត្តមសុខលូអភិបាលនៃគណៈ អភិបាល ខេត្តកំពង់ធំ បានមានប្រសាសន៍ថា.ខេត្តកំពង់ធំមានភូមិស្រ្តធំ មានធនធានធម្មជាតិ និងសក្តានុពល ទាំងផ្នែកកសិកម្មនិងឧស្សាហកម្ម ទាំងស្រូវ ស្វាយចន្ទី និងដំឡូងមី រួមទាំងបឹងទន្លេសាប និងសុំឲ្យលោក ម៉ែន លី ស្នងការនគរបាលខេត្តកំពង់ធំថ្មី ធ្វើការរួមសហការគ្នា ជាមួយនឹងស្ថាប័ន និងអង្គភាពផ្សេងឲ្យបានល្អ ប្រធានអង្គភាពត្រូវធ្វើឲ្យមានសាមគ្គីភាព ឯកភាពគ្នា ខុសអ្វីត្រូវនិយាយគ្នា ប្រកបដោយវប្បធម៌អប់រំ ចែករំលែកការងារគ្នា ដើម្បីចៀសវាងការបែកបាក់គ្នា។
ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានមានប្រសាសន៍ណែនាំឲ្យស្នងការនគរបាលជាតិ ទី1 ពង្រឹងតួនាទីដឹកនាំ ទទួលខុសនិងត្រូវ គ្រប់អធិការក្រុងស្រុក គ្រប់ប៉ុស្តិ៍រដ្ឋបាល មិនមែនត្រូវទទួលយក ខុសរុញឲ្យគេទេ ត្រូវបណ្តុះមនោសញ្ចេតនា ពេលសុខទុក្ខ ពេលអាសន្ន ជាមួយនិងកូនចៅ និងចងសម្ព័ន្ឋមេត្រីភាពជាមួយ ប្រជាពលរដ្ឋ ព្រោះយើងជាថ្នាក់ដឹកនាំ ជរាឪពុកម្ដាយ ជាអាណាព្យាបាល។
ទី2 សុំឲ្យធ្វើសេនាធិការ ឲ្យ គណៈបញ្ជាការឯកភាពរដ្ឋបាលខេត្តឲ្យបានគ្រប់ជ្រុងជ្រោយ ព្រោះអភិបាលខេត្តជា រដ្ឋាភិបាលខេត្ត កម្លាំងទាំងអស់នៅក្រោមការគ្រប់គ្រងរបស់ខេត្ត ដូច្នេះនគរបាលទី1 អនុវត្តគោលនយោបាយភូមិឃុំមានសុវត្ថិភាព។
ទី3 កិច្ចការពង្រឹងកងកម្លាំង ត្រូវអាទិភាពបណ្តុះបណ្តាល លើកកម្ពស់វិន័យនិងគុណធម៌ លះបង់ផលប្រយោជន៍ឯកជន គិតពីផលប្រយោជន៍រួម ផលប្រយោជន៍សង្គម៕ ដោយប៊ុនរដ្ឋា
