នៅពេលដែលមាផ្ទុកមេរោគអេដស៍ កោសិកាមនុស្សវាមិននៅស្ថិតស្ថេររហូតនោះទេ ។ មេរោគអេដស៍ ជាធម្មតា ឲ្យតែចូលក្នុងខ្លួនមនុស្សហើយ វានឹងចូលខ្លួនទៅបណ្តុំពន្ធុ ជាអចិន្ទ្រៃយ៍របស់មនុស្ស ជាពិសេស DNA របស់ជនរងគ្រោះ ដែលធ្វើឲ្យជនរងគ្រោះត្រូវបង្ខំប្រើប្រាស់ ការព្យាបាលតាមវេជ្ជសាស្ត្រ ពេញមួយជីវិតរបស់ពួកគេ។ ប៉ុន្តែឥឡូវនេះ ជាលើកដំបូង ក្រុមអ្នកស្រាវជ្រាវ នៅ Philadelphia បានស្វែងរកឃើញវិធី ដើម្បីលុបបំបាត់មេរោគអេដស៍ទាំងស្រុង ពីកោសិការបស់មនុស្ស។ ក្រុមអ្នកស្រាវជ្រាវ Temple University School of Medicine បាននិយាយថា នេះគឺជាការទម្លាយភាពទល់ច្រកមួយ ដែលទទួលបានជោគជ័យជាលើកដំបូង ដែលលុបបំបាត់មេរោគអេដស៍ HIV-1 ពីកោសិការបស់មនុស្ស និង អាចជាការព្យាបាល សម្រាប់មេរោគដែលមិនទាន់ឃើញច្បាស់ផ្សេងទៀត។ វេជ្ជៈបណ្ឌិត Kamel Khalili បានឲ្យដឹងថា “នេះគឺជាជំហានដ៏សំខាន់មួយ លើផ្លូវឆ្ពោះទៅ រកការព្យាបាល មួយ ដែលអចិន្ទ្រៃយ៍ សម្រាប់អ្នកមានជំងឺអេដស៍។ វាជាការរកឃើញដ៏រំភើបមួយ តែវាមិនទាន់ត្រៀមជាស្រេចចូលទៅកាន់ គ្លីនិកនោះទេ ” ។ នៅក្នុងការសិក្សាដែលបានចេញផ្សាយដោយ នីតិវិធីនៃបណ្ឌិតសភាវិទ្យាសាស្ត្រជាតិ លោក Kamel Khalili និង ក្រុមការងារ បានបង្ហាញនូវវិធីបង្កើត ម៉ូលេគុល ដើម្បីលុបបំបាត់ HIV-1 ចេញពី DNA ។ នៅពេលដែលដាក់ពង្រាយ ការរួមបញ្ចូលគ្នា នៃអង់ស៊ីម DNA ដោយត្រូវបានគេហៅថា Nuclease (ដែលអាចញែកចេញ) និង ជាគោលដៅធ្វើឲ្យកឿង នៃ RNA ដែលមគ្គុទេសក៍ ហៅថា RNA (gRNA) ប្រមាញ់ ចេញពីបណ្តុំពន្ធុ និង លុបចោល HIV-1 DNA ។ ក្រោយពីនេះ ហ្សែននៃកោសិកា បានមកជួសជុស ចំណុចដែល មេរោគអេដស៍ កាន់កាប់ និងផ្សារភ្ជាប់នូវអ្វីដែលបានបាត់បង់ ហើយបណ្តុំពន្ធុ ឬភាពស៊ាំនឹងវិលត្រឡប់មកវិញ ជាលទ្ធផលមេរោគលែងមាននៅក្នុងកោសិកាទៀតហើយ។ នៅទូទាំងពិភពលោកមនុស្សជាង ៣៣ លាននាក់ បានកើតជំងឺអេដស៍ ក្នុងនោះ សហរដ្ឋអាមេរិក ចំនួន ១លាននាក់ ។ ជារៀងរាល់ឆ្នាំ ជនជាតិអាមេរិក ៥ ម៉ឺននាក់ កើតជំងឺអេដស៍ នេះបើយោងតាម មជ្ឈមណ្ឌលការពារជំងឺ របស់អាមេរិក ។ សម្រាប់ចក្រភពអង់គ្លេស មនុស្ស ១ សែននាក់ បានរស់នៅជាមួយនឹង មេរោគអេដស៍ ដែលជាទិន្នន័យបង្ហាញក្នុងឆ្នាំ ២០១៣ ។ បើទោះបីជាមានថ្នាំ ពន្យាជីវិត ដែលបានការពារលើ HIV-1 តែវាបានបានធ្វើឲ្យមនុស្សជាច្រើនក្នុងប្រទេសអភិវឌ្ឈន៍ លើពិភពលោក ក្នុរយៈពេល ១៥ ឆ្នាំចុងក្រោយនេះ ទទួលភាពប៉ះពាល់យ៉ាងខ្លាំង ដែលរំខានដល់ការព្យាបាល។ លោក Kamel Khalili បានឲ្យដឹងបន្តទៀតថា ជាធម្មតា ឆ្លើយតបនឹងអ្នកជំងឺ HIV-1 វាបានធ្វើឲ្យមនុស្សចាស់ជាងវ័យ ការចុះខ្សោយនៃសាច់ដុំបេះដូង ជំងឺឆ្អឹង និង បញ្ហាតំរង់នោម ជាដើម។ លោកបានបន្ថែមជាចុងក្រោយទៀតថា អង់ហ្ស៊ីម ដែលយកមកប្រើប្រាស់លើការកាត់ផ្តាច់ ជំងឺអេដស៍នេះ គឺគេឲ្យឈ្មោះថា “Cas9″ ប្រើវាដើម្បីលុបមេរោគអេដស៍ពីកោសិកា មនុស្ស ដែលមានប្រសិទ្ធភាព ប្រហែល ៩៧ ភាគរយ៕ ទស្សនាឃ្លិបដូចខាងក្រោមនេះ៖
