ប្រជា​ពលរដ្ឋ​អបអរសាទរ.ចំណាត់ការបស់ម្តេចតេជោ ហ៊ុន.សែន.ការ​សម្រេច​ផ្អាក​ការងារ​របស់ លោក​អធិការ​ស្រុក​កំ​រៀង ជា​បណ្ដោះអាសន្ន

0

ខេត្តបាត់ដំបង ៖ លោក​ឧត្តមសេនីយ៍ទោ សាត គឹ​ម​សាន ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង បាន​សម្រេច​ផ្អាក​ការងារ​បណ្ដោះអាសន្ន​ចំពោះ​លោក​វរសេនីយ៍ឯក គឹ​ម ពន្លក ជា​អធិការ​ស្រុក​កំ​រៀង ដោយ​មូលហេតុ អនុវត្ត​ការងារ​ខុស​នីតិវិធី ។

ការ​សម្រេច​ផ្អាក​ការងារ​របស់ លោក​អធិការ​ស្រុក​កំ​រៀង ជា​បណ្ដោះអាសន្នាប់​ពី​សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា បាន​បញ្ជា​ដល់​ថ្នាក់ដឹកនាំ​ខេត្តបាត់ដំបង និង​អគ្គស្នងការ​នគរបាល​ជាតិ ស្រាវជ្រាវ​ជុំវិញ​រឿងរ៉ាវ​ដែល​មាន​មន្ត្រី​ទាហាន បាន​ចាប់​បាន​មេ​ក្លោ​ង​នាំ​មនុស្ស​ពី​ថៃ​ចូល​ស្រុក​ខ្មែរ​ហើយ​នោះ បែរជា​ម្ត្រី​នគរបាល ធ្វើការ​ដោះ​លែង​វិញ ។

នៅ​ក្នុង​សារ​សម្លេង​របស់​សម្តេច​តេ​ជោ ផ្សព្វផ្សាយ​នៅ​ព្រឹក​ថ្ងៃ​ទី ១៥​ខែកុម្ភៈ ឆ្នាំ​២០២១​នេះ សម្តេច​តេ​ជោ បាន​បញ្ជាក់​ថា​ការ «​ដូច​ជា​យប់មិញ​ខ្ញុំ​បាន​បញ្ជា​ទៅ​កាន់​ខេត្តបាត់ដំបង និង​អគ្គស្នងការ​នគរបាល​ជាតិ អំពី​ព័ត៌មាន​ទាក់ទិន​នឹង​ការ ចាប់​បាន​ពួក​ធ្វើ​សកម្មភាព ចាប់​បាន ពួក​អ្នក​នាំ​ផ្លូវ​ហើយ​បែរជា​ដោះ​លែង​ទៅ​វិញ ដែល​អាច​នាំ​ទៅ​ដល់​ការ​ដក​ឋានន្តរ​ស័ក ឬ​បណ្តេញ​ចេញពី​ជួរ​តែ​ម្តង នូវ​មន្ត្រី​នគរបាល​ណា​ដែល​អនុវត្ត ខុសឆ្គង ទៅ​នឹង​វិធានការ​ទាំងឡាយ​ដើម្បី​ប្រយុទ្ធ​ប្រឆាំង​នឹង​ការ​រត់ពន្ធ​មនុស្ស ហើយ​ការ​រត់ពន្ធ​មនុស្ស​នេះ​គឺ​ស្ថិត​ក្នុង​ការ​ធ្ងន់ធ្ងរ​ដែល​វា​អាច​នាំ​ទៅ​ដល់​មហន្តរាយ នៃ​សុខភាព​សាធារណៈ​ដោយសារ​ជំងឺឆ្លង​» ។
សម្តេច​នាយក​រដ្ឋមន្ត្រី​បាន​បន្ត​ថា «​ខ្ញុំ សុំ​ឲ្យ​ចាប់​ប្រមូល​អ្នក ដែល​ជាប់​ពាក់ព័ន្ធ​ជាមួយនឹង​ការ​នាំ​មនុស្ស​ឆ្លងកាត់​ផ្លូវ​របៀង ដើម្បី​អនុវត្ត​នូវ​ការ​ផ​ន្ទា​ទោស​» ឬ​ក៏​ណែនាំ​ពួក​គេ​យា់ង​ណា​នោះ ដើម្បី​ឲ្យ​ពួក​គេ​ឈប់​នាំ​មនុស្ស​ឆ្លង​ដែន ។

សូម​រម្លឹក​ថាស​ម្តេច​តេ​ជោ ហ៊ុន សែន ក្នុង​សារ​ជា​សំឡេង នៅ​យប់​ថ្ងៃអាទិត្យ ទី​១៤ ខែកុម្ភៈ ឆ្នាំ​២០២១ សម្តេច​ក៏​បាន​ដាក់​ចេញ​បទបញ្ជា​សា​ជា​ថ្មី ទៅ​កាន់​អភិបាលខេត្ត​នៅ​ជាប់​ព្រំដែន​ថៃ​ទាំងអស់ ត្រូវ​តែ​រឹត​បន្តឹង​តាម​ព្រំដែន​ឲ្យ​បាន​ម៉ឺងម៉ាត់​ជាង​មុន លើ​ការ​ឆ្លង​ដែន​របស់​ពលករ​ខ្មែរ​មក​ពី​ថៃ ៕