ខេត្តកំពង់ធំ៖ នៅថ្ងៃទី០៣ មិនា ២០២១ វេលាម៉ោង ០៩៖២៤នាទីព្រឹក នៅចំណុចត្រពាំងស្តី ក្នុងភូមិសាន់គ(ខ) ឃុំសាន់គ ស្រុកកំពង់ស្វា យ មានករណីមនុស្សចងករធធ្វើអត្តឃាតបណ្តាលឲ្យស្លាប់បាត់បង់ជីវិត។សមត្ថកិច្ចបានឲ្យដឹងថា សពឈ្មោះ សៅ បេន ភេទប្រុស អាយុ ៣៧ឆ្នាំ ជនជាតិខ្មែរ មុខរបរកសិករ នៅភូមិ ឃុំកើតហេតុខាងលើ ។តាមការបំភ្លឺពីម្ដាយចុងឈ្មោះ សេង លីឲ្យដឹងថាៈ នៅក្នុងគ្រួសារកូនចុងរបស់ខ្លួនឈ្មោះ សៅ បេន តែងតែមានការឈ្លោះប្រកែកគ្នា ជាញឹកញាប់ ស្ទើរតែរាល់ថ្ងៃជាមួយប្រពន្ធ ។ កាលពីថ្ងៃទី ២៧ ខែកុម្ភៈ ឆ្នាំ២០២១ កន្លងទៅបានផ្តិតមេដៃលែងលះគ្នាត្រឹមភូមិ ដោយមានលោកមេភូមិ និងគណៈកម្មការអាចារ្យ ជួយដឹងលឺ ហើយកូនខ្លួន ក៏ចុះចេញពីខាងប្រពន្ធមកនៅ នឹងផ្ទះខ្លួនវិញ។ រយៈពេល២ទៅ៣ថ្ងៃនេះ សង្កេតឃើញកូន ពុំដែលហូបបាយហូបទឺកនោះទេ រហូតដល់ថ្ងៃទី០២ខែមិនា ឆ្នាំ២០២១វេលាម៉ោងប្រហែល ០៥៖៣០នាទីល្ងាចក៏បាត់កូនពីផ្ទះមិនដឹងទៅណា ហើយមិនឃើញត្រលប់មកវិញទេ ទើបដល់ថ្ងៃទី០៣.០៣.២០២១ វេលាម៉ោង៨.៣០នាទីព្រឹកមានគេមកប្រាប់ថាកូនរបស់ខ្លួនបានចងករនឹងដើមកាស្យា នៅចំណុចកើតហេតុខាងលើស្លាប់បាត់ទៅហើយ ។
ឯតាមការបំភ្លឺពីប្រពន្ធឈ្មោះ ហួន ឡន ឲ្យដឹងថាៈខ្លួនននិងប្តី (សព) បានចាប់ដៃគ្នាជាប្តីប្រពន្ធបានជាង៣ឆ្នាំហើយតែងតែមានរឿងឈ្លោះប្រកែកគ្នារហូត ដោយសារតែប្តីប្រច័ណ្ឌច្រើន ។ នៅមុនថ្ងៃស្លាប់ខ្លួននិងប្តីបានឈ្លោះប្រកែកគ្នាហើយប្តីបានទះកំភ្លៀងខ្លួន២ដៃ រួចក៏សុំលែងតែម្តងដោយបានផ្តិតមេដៃលែងលះគ្នាត្រឹមភភូមិនិងគណៈកម្មការអាចារ្យជួយដឹងលឺហើយ ប្តីខ្លួនក៏ចុះចេញទៅនៅផ្ទះម្តាយចុងបាត់ទៅ ។
បន្ទាប់ពីទទួលបានដំណឹងកម្លាំងប៉ុស្តិ៍ រដ្ឋអំណាចភូមិឃុំចុះដល់កន្លែងកើតនិងពិនិត្យសាកសព មិនឃើញមានស្លាកស្នាមអ្វីពាក់ព័ន្ធករណីឃាតកម្មឡើយ ។ ជនរងគ្រោះបានស្លាប់ដោយសារចងករធ្វើអត្តឃាត។
ក្រោយសមត្ថកិច្ចពិនិត្យចប់បានធ្វើកំណត់ហេតុប្រគល់សពឲ្យក្រុមគ្រួសារធ្វើបុណ្យតាមប្រពៃណី ។