ខេត្តបាត់ដំបង ៖ រថយន្តត្រេអុីមួយគ្រឿង ដែលជារថយន្តរបស់អង្គភាព ត្រូវបានលោកមេបញ្ជាការមួយរូបយកមកដឹកឈើដើម្បីបម្រើផលប្រយោជន៍ផ្ទាល់ខ្លួនទៅវិញ ហើយក៏ត្រូវកម្លាំងគ្រប់គ្រង ក្នុងតំបន់ប្រើប្រាស់ច្រើនយ៉ាងស្រុកសំឡូត តាមឃាត់ជាប់ ខណៈដែលរថយន្តនេះកំពុងប្រព្រឹត្តបទល្មើសជាក់ស្តែង ។
ការឃាត់រថយន្តនេះគឺបានធ្វើឡើង កាលពីថ្ងៃទី ១៤ ខែមិនា ឆ្នាំ២០២១ វេលាម៉ោង ១២ និង ៣៧ នាទី ថ្ងៃត្រង់
ដោយកម្លាំងមន្ត្រីឧទ្យានុរក្ស តំបន់ប្រើប្រាស់ច្រើនយ៉ាងសំឡូត សហការជាមួយមន្ត្រីល្បាតMJP សរុបមាន ចំនួន១៥នាក់ ដឹកនាំដោយ លោក លី សាមី នាយកស្តីទី តំបន់ប្រើប្រាស់ច្រើនយ៉ាង គឺឃាត់នៅត្រង់ភូមិសាស្ត្រ ភូមិអូរតាតឹង ក្នុងឃុំសំឡូត ស្រុកសំឡូត ខេត្តបាត់ដំបង ។
ជាលទ្ធផល ក្រុមល្បាតបានចាប់ឃាត់រថយន្តត្រីអុីដឹកឈើខុសច្បាប់បានចំនួន០១គ្រឿង ពាក់ស្លាកលេខ
ខេមរភូមិន្ទ ០២. ២-២៩៥៧ និងឈើសុក្រំ ចំនួន០៤ដុំ ស្នើរនិង០,២៧៥ម៉ែត្រគូប ដែលកំពុងដឹកចេញពីតំបន់ហាមឃាត់ និង មនុស្សចំនួន ២ នាក់ គឺ ១ ឈ្មោះ សៀប សុធួន ភេទប្រុស អាយុ៥៨ឆ្នាំ មានតួនាទីជាប្រធាន ទំនាក់ទំនងព្រំដែន កម្ពុជា ថៃ ប្រចាំច្រកតំបន់ ៤០០ ស្រុកសំឡូត និង ២ ឈ្មោះ ខាន់ ភារៈ ភេទប្រុស អាយុ២២ឆ្នាំ រស់នៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
បច្ចុប្បន្នក្រោយការឃាត់រួចមក កម្លាំងបាននាំយកមកសាកសួរនិងបន្តតាមនិតីវិធីតាមច្បាប់ របស់តំបន់ការពារនៅស្នាក់ការMJPស្ថិតនៅក្នុង ភូមិសំឡូត ឃុំសំឡូត ស្រុកសំឡូត ខេត្តបាត់ដំបង និងដើម្បីបន្តទៅកាន់
សាលាដំបូងខេត្ត ៕ សោ និយមរ័ត្ន
