បន្ទាយមានជ័យ ៖រដ្ឋបាលក្រុងប៉ោយប៉ែតលោក គាត ហ៊ុល ស្នើសុំវាក់សាំងពីឯកឧត្ដម អភិបាលខេត្តដើម្បីចាក់ជូនប្រជាពលរដ្ឋនៅក្នុងក្រុងមួយនេះ ខណះការផ្ទុះរីករាលដាលជម្ងឺកូវីត១៩ មានចំនួនច្រើនកើនឡើង
លើសពីស្រុកក្រុងទាំ៨ទៀតរបស់ខេត្តបន្ទាយមានជ័យ ការស្នើសុំនេះ ក្នុងពេលប្រកាសផ្ទេរភារកិច្ចជូនមន្ត្រីរាជការនៅសាលាក្រុងប៉ោយប៉ែត ត្រូវបានផ្ទេរលោក ទូច មុនី្ន និងលោកស្រីអៀង កណ្ណរ៉ាអភិបាលរងក្រុងប៉ោយប៉ែត ទៅបម្រេីរការងារជាមន្ត្រីនៃសាលាខេត្តបន្ទាយមានជ័យដើម្បីរងចាំការតែងតាំងថ្មី ហើយបានតែងតាំង លោក ស៊ុត ង៉ុយ អភិបាលរងស្រុកស្វាយចេក និងលោកស្រី ហេង សុភ័ក្រ្ត អភិបាលរងស្រុកមង្គលបូរី ត្រូវបានផ្ទេរទៅបម្រេីការងារ ជាអភិបាលរងក្រុងប៉ោយប៉ែត។ រួមនឹងប្រកាសតែងតាំង ប្រធាន អនុប្រធានការិយាល័យនៃសាលាក្រុង១៨រូបកាលពីព្រឹកថ្ងៃទី២៤ ខែឧសភា ឆ្នាំ២០២១។
លោក គាត ហ៊ុល អភិបាលក្រុងប៉ោយប៉ែត មានប្រសាសន៍ថា៖ ពលរដ្ឋ អ្នកបំរើការក្នុងកាស៊ីណូ រាប់បញ្ចូលទាំងជនជាតិបរទេស ជាង ១ម៉ឺនផ្លាយនាក់ត្រូវបានយកវត្ថុសំណាក(Rapit test)ដើម្បីរកមេរោគ/ជម្ងឺកូវីត១៩ ជាលទ្ធផលមានវិជ្ជមានមេរោគជម្ងឺ កូវី១៩មានចំនួនច្រើន។
លោក គាត ហ៊ុល ក៍បានរាយការណ៍ផងដែរចំពោះការខិតខំប្រឹងប្រែង អភិវឌ្ឍន៍មូលដ្ឋាន ជួលជុលផ្លូលក្រាលថ្មម៉ិច សំរួលដំណើរជូនពលរដ្ឋ បន្ទាប់ការឃ្លាំមើលនិងចុះផ្ទាល់ ពីមន្ត្រីថ្នាក់ដឹងនាំនិងកងកម្លាំងទាំងបី ក្នុងការសម្របសម្រួលនិងស្វែងរក អ្នកផ្ទុកមេរោគកូវីត១៩ ដើម្បីព្យាបាលនិងធ្វើចន្តាឡីស៍កចំនួន១៤ថ្ងៃ ជាមួយនិងការនាំយកវត្ថុសំណាក(Rapit test)ពីអ្នកសង្ស័យ ដើម្បីរកមេរោគ/ជម្ងឺកូវីត១៩។
ឯកឧត្តម អ៊ុំ រាត្រី អភិបាលខេត្ត បន្ទាយមានជ័យមានប្រសាសន័ថា៖ ក្នុងបរិកាសដែលព្រះរាជាណាចក្រកម្ពុជា បច្ចុប្បន្ននេះមានការផ្ទុះឡើងជំងឺកូវីដ១៩ បានឆ្លងចូលក្នុងសហគមន៍ជាលើកទី ៣ ក្នុងលក្ខណៈទ្រង់ទ្រាយធំ ស្មុគ្រស្មាញខ្លាំងមិនធ្លាប់មានសម្រាប់ព្រះរាជាណាចក្រកម្ពុជាយើង បង្កជាការប្រឈមថ្មីមួយទៀត ដែលរាជរដ្ឋាភិបាលចាំបាច់បំផុតត្រូវដាក់ចេញនូវវិធានការរឹតបន្តឹងជាបន្តបន្ទាប់ រហូតទៅដល់ការបង្កើតឲ្យមានច្បាប់ស្ដីពី “វិធានការទប់ស្កាត់ការឆ្លងរាលដាលនៃជំងឺកូវីដ១៩ នឹងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត”រួមជាមួយយុទ្ធនាការ “យើងរួមគ្នាទប់ស្កាត់ជំងឺរាតត្បាតតាមរយៈ ៣ការពារ ៣កុំ នឹង២ចូលរួម” ។
ហើយប្រកាសតែងតាំងអភិបាលរងក្រុងប៉ោយប៉ែត ២រូបស្របពេលការឆ្លងរីរាលដាលជម្ងឺកូវីត១៩ តម្រូវអោយគ្រប់គ្នា ជាមន្ត្រីថ្នាក់ដឹកនាំនិងកងកម្លាំងទាំងបី ត្រូវសហការល្អដើម្បី ជួយនាំពលរដ្ឋអោយជុតពីការឆ្លងពីជម្ងឺដ៍កាចសាហាវនេះ ដោយអនុវត្តតាមការណែនាំរបស់ក្រួងសុខាភិបាល បីកុំ បីការពានិង២ចូលរួម ៕ដោយ៖ឃិន គន្ធា
