បន្ទាយមានជ័យ៖សម្ភារៈបង្ការកូវីដដ១៩ មានដូចជាភាជន៍លាងដៃ(Labo) ម៉ាសុីន(ឧបករណ៍) បាញកម្តៅ សាប៊ូលាងដៃ ម៉ាស់អំណោយរបស់ឧបនាយករដ្ឋមន្ត្រីកែ គឹមយ៉ាននិងលោកស្រីហេមចិន្តាអគ្គសាសនូបត្ថម្ភ ម៉ៅ ម៉ាល័យ ត្រូវបានផ្ដល់ជូនសាលារៀន ២០០ កន្លែង នៅបន្ទាយមានជ័យ។
ការផ្ដល់ជូននារសៀលថ្ងៃទី១៤ខែតុលាឆ្នាំ២០២១ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ ឯកឧត្ដម ខេង ស៊ុម ប្រធានក្រុមប្រឹក្សាខេត្ត ឯកឧត្ដម ហ៊ូ ប៊ុនហេង និងលោកម៉ាតាំង មាំងឌីយ៉ូ (HE Matin Maindiaux ) ទីប្រឹក្សាឧបនាយករដ្ឋ មន្ត្រី កែ គឹមយ៉ាន ហើយចាំទទួលដោយលោកឈូ ប៊ុនរឿង ប្រធានមន្ទីរអប់រំ យុវជននិងកីឡាខេត្តនិងមន្ត្រី លោកនាយក នាយករង សិស្សានុសិស្ស បាននាំយកនិងទទួលនូវអំណោយមានជាឡាបូឬភាជន៍លាងដៃ ម៉ាសុីន(ឧបករណ៍) បាញ់កម្តៅ សាប៊ូលាងដៃ ម៉ាស់ជាអំណោយដ៍ថ្លៃថ្លារបស់ លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារ រាជរដ្ឋាភិបាលចុះជួយខេត្តបន្ទាយមានជ័យ និងលោកស្រីហេមចិន្តាអគ្គសាសនូបត្ថម្ភឧកញ៉ា ម៉ៅ ម៉ាល័យ ។
ពោលគឺបានយកទៅផ្តល់នុងទៅបំពាក់តាមសាលារៀនទូទាំងខេត្តសំរាប់សិស្ស និងលោកគ្រូ អ្នកគ្រូលាងសំអាតដៃ ដើម្បីចូលរួមទប់ស្កាត់ការឆ្លងជម្ងឺ Covid-19 សរុបទូទាំងខេត្ត២១២ សាលា។
បំណងនៃការឧបត្ថម្ភ គាំទ្រនេះគឺដើម្បីទ្រទ្រង់និងពង្រឹងការបើកដំណើរការរៀន បង្រៀនឡើងវិញនៃសាលារៀនចំណេះទូទៅសាធារណៈនិងឯកជននៅខេត្តបន្ទាយមានជ័យ ។ ជាមួយគ្នានោះ ក៏បានផ្តល់ម៉ាសុីនវាសកំដៅ និងសាប៊ូលាងដៃ ដល់ការិយាល័យអប់រំ យុវជន និងកីឡាទាំង៩ក្រុង/ស្រុកផងដែរ។
លោកឈួ ប៊ុនរឿង ប្រធានមន្ទូរអប់រំ យុវជននិងកីឡាខេត្តបន្ទាយមានជ័យបានអោយដឹងថា៖ អំណោយសម្ភារៈរួមមាន៖ -ម៉ាស់ចំនួន ៧០០.០០០ ម៉ាស់-ម៉ាស៊ីនវាសកំដៅចំនួន១.០០០គ្រឿង -ឡាបូលាងដៃចំនួន២១២ គ្រឿង-សាប៊ូលាងដៃ១០.០០០ដុំ ។
ឯកឧត្ដម អ៊ុំ រាត្រី អភិបាលខេត្តបន្ទាយមានជ័យមានប្រសាសន៍ថា៖ អំណោយមានជាឡាបូឬភាជន៍លាងដៃ ម៉ាសុីន(ឧបករណ៍) បាញ់កម្តៅ សាប៊ូលាងដៃ ម៉ាស់ជាអំណោយដ៍ថ្លៃថ្លារបស់ លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារ រាជរដ្ឋាភិបាលចុះជួយខេត្តបន្ទាយមានជ័យ និងលោកស្រីហេមចិន្តាអគ្គសាសនូបត្ថម្ភឧកញ៉ា ម៉ៅ ម៉ាល័យ ហើយសូមអោយលោកគ្រូអ្នកណែនាំសិស្សលាងសំអាតដៃ ដើម្បីចូលរួមទប់ស្កាត់ការឆ្លងជម្ងឺ Covid-19 ក៍ដូចជាជម្ងឺឆ្លងផ្សេងៗដើម្បីសុខមាលភាពយើងទាំងអស់គ្នា៕ដោយ៖ ឃិន គន្ធា
