អូស្ត្រាលី៖ រដ្ឋមន្ត្រីក្រសួងរតនាគារអូស្ត្រាលីលោក ចូ ហុកឃី បាននិយាយថា នៅក្រុងស៊ីដនី កាលពីថ្ងៃអាទិត្យថា គម្រោងការនីមួយៗ សំរាប់ក្រុមប្រទេសប្លុក G20 នឹងត្រូវបានគេប្រកាន់យកជារបៀបវារៈនៅក្នុងខណៈដែលមានកិច្ចប្រជុំរបស់ក្រុមមេដឹកនាំកំពូល នឹងត្រូវប្រព្រឹត្តទៅនៅក្រុងព្រីសបេន នៅខែវិច្ឆិកាខាងមុខក្នុងប្រទេសអូស្ត្រាលី។
លោកហុកឃី បន្តទៀតថា ក្រុមប្រទេសដែលមានសេដ្ឋកិច្ចនាំមុខគេនៅក្នុងពិភពលោក បានអនុម័តរួចហើយទៅលើគោលដៅចម្បង ពោលគឺត្រូវបន្ថែមពន្ធ២%ទៀត ទៅលើប្រទេសដែលមានសេដ្ឋកិច្ចរីកចំរើន សំរាប់រយៈពេល៥ឆ្នាំ ហើយវាជាសញ្ញាសុទិដ្ឋិនិយមបង្ហាញ កំណែទម្រង់ដែលជួបនូវវិបត្តិនោះ អាចត្រូវគេចៀសវាងបាន។
ក្រុមប្រទេសដែលមានសេដ្ឋកិច្ចលេចធ្លោរួមមាន ឥណ្ឌា, ចិន, ប្រេស៊ីល និងរុស្ស៊ី កំពុងត្រូវបានគេបញ្ចុះបញ្ចូល អោយបង្កើនសំឡេងគាំទ្រដល់អង្គការរូបិយវត្ថុឬ IMF ដើម្បីជាការរួមចំណែកមួយផ្ដល់ភាពរីកចំរើនសេដ្ឋកិច្ចដល់បណ្ដាប្រទេសផ្សេងៗទៀតក្នុងពិភពលោក៕
