ខេត្តស្វាយរៀងៈមានករណីគ្រោះថ្នាក់ចរាចរណ៍មួយគួឱយរន្ធត់បណ្ដាលអោយ មនុស្សចំនួន៤នាក់បានរងរបួសធ្ងន់រវាងរថយន្តដឹកកុងតឺន័រនិង
រថយន្តដឹកឡាំងក្រដាសក្នុងទិសដៅផ្ទុយគ្នាហើយក្រោយពីបង្កគ្រោះថ្នាក់នោះរថយន្តដឹកឡាំងក្រដាសបានខ្ទាតប៉ើងថយក្រោយក្រឡាប់សង្កត់ពីលើម៉ូតូអ្នកដំណើរដែលកំពុងធ្វើដំណើរពីខាងក្រោយតែម្តង។ ហេតុការណ៍ខាងលើនេះបានកើតឡើង កាលពីវេលាម៉ោង ១៤និង ៤៤នាទីរសៀល ថ្ងៃទី១០ ខែ មីនា ឆ្នាំ ២០២២ លើផ្លូវជាតិលេខ១ ចំណុចភូមិថ្នល់កែង ឃុំកណ្ដៀងរាយ ស្រុកស្វាយទាបខេត្តស្វាយរៀង។
តាមព័ត៌មានជាបឋមពីសមត្ថកិច្ចបានឲ្យដឹងថាៈគ្រោះថ្នាក់ចរាចរណ៍ខាងលើគឺរវាងរថយន្តកុងតឺន័រ និងរថយន្តហ៊ីយ៉ាន់ដាយ ហើយខ្ទាតត្រូវ ម៉ូតូចំនួន ២ គ្រឿង បណ្ដាលអោយមនុស្សរងរបួសធ្ងន់សរុបចំនួន ០៤ នាក់ ប្រុស (អ្នកបើកបររថយន្ត ២នាក់ និងអ្នកបើកបរម៉ូតូ ០២ នាក់)។ បច្ចុប្បន្ន បានបញ្ជូនទៅសង្គ្រោះនៅមន្ទីរពេទ្យរួចហើយ។
មូលហេតុ: រថយន្តហ៊ីយ៉ាន់ដាយវ៉ាជែងក្នុងស្ថានភាពគ្រោះថ្នាក់៕គឹមសេង
