ខេត្តបាត់ដំបង ÷ មានប្រជាពលរដ្ឋជាច្រើននាក់ បានរងរបួសយ៉ាងធ្ងន់ធ្ងរ បន្ទាប់ពីមានអគ្គីភ័យមួយបានកើតឡើងហើយបានផ្ទុះប៊ីដុងសាំង ស្រោចទៅលើក្រុមមនុស្សដែលព្យាយាមចូលទៅជួយ។
ករណីអគ្គីភ័យនេះបានកើតឡើង កាលពី ថ្ងៃទី១២ ខែមេសា ឆ្នាំ២០២២ វេលាម៉ោង៨យប់ នៅចំណុចក្រុមទី១៨ ភូមិព្រៃស្វាយ ឃុំព្រៃស្វាយ ស្រុកមោងឬស្សី ខេត្តបាត់ដំបង ។
ផ្ទះដែលត្រូវភ្លើងឆាបឆេះនេះជារបស់ឈ្មោះ ហុិន សាក់ ភេទប្រុស អាយុ៥៣ឆ្នាំ ដែលជាផ្ទះលក់ឥវ៉ាន់ចាប់ហ៊ួយធ្វើអោយផ្ទុះប៊ីដុងសាំង ធ្វើអោយអណ្តាតភ្លើងជះស្រោចទៅលើ អ្នកចូលទៅជួយបង្កអោយរងរបួស ធ្ងន់ចំនួន៥ នាក់ ដែលមានឈ្មោះដូចខាងក្រោម ១.ឈ្មោះ ជិន ជឿម ភេទប្រុស អាយុ៥៥ឆ្នំា មានទីលំនៅភូមិព្រៃព្រាល ឃុំព្រស្វាយ ស្រុកមោងឬស្សី ២.ឈ្មោះ មុត ដេត (ហៅធា )ភេទប្រុស អាយុ៣៦ឆ្នាំ រស់នៅភូមិព្រៃព្រាល ឃុំព្រៃស្វាយ ស្រុកមោងឫស្សី ៣.ឈ្មោះ ឡាយ ស្រីណូ ភេទស្រី អាយុ២៩ ឆ្នាំ រស់នៅភូមិព្រៃស្វាយ ឃុំព្រៃស្វាយ ស្រុកមោងឫស្សី ៤.ឈ្មោះ ឃួន សំណាង ភេទប្រុស អាយុ៤១ ឆ្នាំ រស់នៅភូមិព្រៃស្វាយ ឃុំព្រៃស្វាយ ស្រុកមោងឫស្សី និង ៥.ឈ្មោះ សួង ញ៉ាន ភេទប្រុស អាយុ៤៥ ឆ្នាំ រស់នៅភូមិព្រៃព្រាល ឃុំព្រស្វាយ ស្រុកមោងឬស្សី ។
តាមការអះអាងពីម្ចាស់ផ្ទះបានបញ្ជាក់ថា ករណីនេះគឺបណ្តាលមកពីការឆ្លងចរន្តអគ្គិសនី រីឯទ្រព្យសម្បត្តិ ខូចខាតអស់មួយចំនួន សរុបជាទឹកប្រាក់ប្រហែល៣.៥០០ ដុល្លារ។
នៅក្នុងហេតុការណ៍នេះដែរ គឺកម្លាំងបានប្រើប្រាស់ រថយន្តទឹកចំនួន៥គ្រឿង ដែលមានរថយន្ត អគ្គីភ័យរបស់អធិការដ្ឋាននគរបាលស្រុកមោងឬស្សី ចំនួន១ គ្រឿង រថយន្តពន្លត់អគ្គីភ័យរបស់អធិការរដ្ឋាននគរបាលស្រុករុក្ខគីរីចំនួន១ គ្រឿង និងរថយន្តដឹកទឹករបស់ ប្រជាពលរដ្ឋចំនួន៣ គ្រឿង ទើបគ្រប់គ្រងស្ថានការណ៍នេះបាន៕ អត្ថបទ : ព្រាប.ស