ខេត្តកំពង់ធំៈក្បួនដង្ហែររបស់ព្រះសង្ឃចំនួន២១អង្គ ព្រមទាំលោកតាអាចារ្យ និងពុទ្ធបរស័ទជាច្រើននាក់បានដឹកនាំដង្ហែរជាក្បួនប្រោះព្រំលើដងផ្លូវជាតិ ក្នុងទឹកដីស្រុកកំពង់ស្វាយ ដើម្បីបួងសួងសុំសេចក្តីសុខសប្បាយដល់អ្នកដែលធ្វើដំណើរឆ្លងកាត់លើផ្លូវជាតិនេះ ដោយមាន
ការអញ្ជើញចូលរួមពី លោក អ៊ឹម ថន អភិបាលនៃគណៈអភិបាលស្រុកកំពង់ស្វាយ! លោក វរៈសេនីយ៏ត្រី ខេន ឈុនគ័រ អធិការនៃអធិការដ្ឋាននគរបាលស្រុកកំពង់ស្វាយ បានឲ្យដឹងថា!បន្ទាប់ពីបានមើលឃើញថាក្នុងមួយរយៈពេលកន្លងមកនេះនៅក្នុងទឹកដីស្រុកកំពង់ស្វាយ មានករណីគ្រោះថ្នាក់ចរាចរណ៏បណ្តាលឲ្យមានមនុស្សស្លាប់ជាបន្តរបន្ទាប់ និងតាមជំនឿព្រហ្មមញ្ញសាសនា ដែលប្រជាពលរដ្ឋខ្មែរយើងតែងតែគោរពជឿជាក់នោះ! ។
ដោយមានការចង្អុលបង្ហាញពី ឯកឧត្តម ឧត្តមសេនីយ៏ត្រី ផាន់ សុផេង ស្នងការនៃស្នងការដ្ឋាននគរបាលខេត្តកំពង់ធំ រូបលោកបាន សហការជាមួយនឹងលោក អភិបាលស្រុករៀបចំជាក្បួនដង្ហែរប្រោះព្រំលើដងផ្លូវជាតិក្នុងទឹកដីស្រុកកំពង់ស្វាយដែលមាន ព្រះសង្ឃចំនួន២១អង្គ និមន្តមកពីវត្តទាំង៧ក្នុងស្រុក ចាប់ចេញដំណើរពីបរិវេណវត្តមុន្នីរង្សី(ហៅវត្តថ្មី) ស្ថិតក្នុងភូមិស្នោ ឃុំត្រពាំងឬស្សី ស្រុកកំពង់ស្វាយ ទៅដល់ចំនុចស្ពានសក្តិ៣អ៊ំ ស្ថិតក្នុងឃុំជ័យ ។
ដែលមានគ្រោះថ្នាក់ចរាចរណ៏ស្លាប់មនុស្ស៣នាក់កាលពីពេលថ្មីៗនេះ!ដើម្បីបណ្តេញរាល់ឧប្បទ្រុបចង្រៃ!មានខ្មោច ព្រាយ បិសាច អសូរកាយ វិញ្ញាណវិលវុលនៅតាមដងផ្លូវ ដែលតែងតែមកយាយីយកជីវិតមនុស្ស សត្វនោះ ឲ្យបានទៅចាប់កំណើតនៅដ្ឋានសុខគតិភព កុំឲ្យមកបៀតបៀនតាមដងផ្លូវតទៅទៀត រួចត្រឡប់ទៅដល់ចំនុចកែងក្រសាំង ព្រុំប្រទល់ ស្រុកស្ទោងទើបវិលត្រឡប់ក្រោយ ចូលមកកាន់បរិវេណវត្តវិញ !នៅតាមសងខាងផ្លូវគេសង្កេតឃើញមានមន្ត្រីរាជការ និងប្រជាពលរដ្ឋជាច្រើន ។
បាននាំគ្នារៀបចំធុងទឹក មានធូប ទាន ទឹកអប់ ផ្កាភ្ញី រួមនិងគ្រឿងសក្ការៈ សំរាប់ប្រគេណដល់ព្រះសង្ឃ! និងរងចាំព្រះសង្ឃនិមន្តប្រោះព្រំ ប្រសិទ្ធិពរជ័យ សេចក្តីសុខគ្រប់ប្រការ ចូលមានដល់ក្រុមគ្រួសារ!ហើយសូមឲ្យចង្រៃឧបទ្រុបទាំងឡាយបវាសជាសឆ្ងាយ ជាពិសេសគឺ គ្រោះថ្នាក់ចរាចរណ៏តែម្តង! លោក អ៊ឹម ថន អភិបាលស្រុកកំពង់ស្វាយ ។
សូមសំនូមពរដល់បងប្អូនជនរួមជាតិទាំងអស់ដែលធ្វើដំណើរឆ្លងកាត់លើដងផ្លូវថា!សូមឲ្យបើកបរមានការប្រុងប្រយ័ត្ន ត្រូវចេះយោគយល់អធ្យាស្រ័យគ្នា ដើម្បីកាត់បន្ថយគ្រោះចរាចរណ៏ ស្របទៅតាមអនុសាន៏ដ៏ថ្លៃថ្លារបស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី! ថ្ងៃនេះ ថ្ងៃស្អែក គ្មានគ្រោះថ្នាក់ចរាចរណ៏ ។ ដោយ ប៊ុន រដ្ឋា
