ក្នុងពេលដែលសិស្ស និស្សិតកោះ ហុងកុងនាំគ្នាដង្ហែក្បួនបាតុកម្មប្រឆាំង រដ្ឋាភិបាលទីក្រុងប៉េកាំងដែលបំបិទសិទ្ធិ សេរីភាពក្នុងការអនុវត្ដប្រជាធិបតេយ្យ នៅលើកោះហុងកុង ពេលនេះភ្លើងបាតុ កម្មក៏បានរាលដាលដល់និស្សិតកោះ តៃវ៉ាន់ក៏នាំគ្នាដង្ហែក្បួនបាតុកម្មទាមទារ រដ្ឋាភិបាលតៃវ៉ាន់ត្រូវតែម៉ឹងម៉ាត់មិន ត្រូវស្ដាប់តាមរដ្ឋាភិបាលចិននោះឡើយ។ក្រុមបាតុករតៃវ៉ាន់បានស្នើដល់រដ្ឋា ភិបាលរបស់ខ្លួន ត្រូវតែបញ្ចប់សកម្ម ភាពពិភាក្សាទាំងឡាយជាមួយរដ្ឋាភិបាល ទីក្រុងប៉េកាំង ជុំវិញបញ្ហាសេដ្ឋកិច្ចនិង នយោបាយ ដើម្បីបង្ហាញការគាំទ្រដល់ ក្រុមនិស្សិតកោះហុងកុង ។
ក្រុមនិស្សិតតៃវ៉ាន់បានប្រមូលផ្ដុំគ្នា នៅមុខអគារពាណិជ្ជកម្មហុងកុងដែល មានទីតាំងនៅទីក្រុងតៃបិ ទាមទារដល់ ប៉ូលិសហុងកុងបញ្ចប់សកម្មភាពហិង្សា ទៅលើក្រុមបាតុករ ។
ក្រុមនិស្សិតតៃវ៉ាន់ក៏បានរំសាយ ដោយសន្ដិភាព ក្រោយពេលមេដឹកនាំ កោះតៃវ៉ាន់ លោក ម៉ា យីងជឺ បានថ្កោល ទោសដល់សកម្មភាពប្រើហិង្សាទៅលើ បាតុករហុងកុង ។
សកម្មជននយោបាយកោះតៃវ៉ាន់មួយ រូបឈ្មោះ Chen Weiting បានប្រកាសថា “យើងមិនអាចទទួលយក ឬ ជំរុញឱ្យ មានកិច្ចពិភាក្សាណាមួយស្ដីពីសេដ្ឋកិច្ច នយោបាយរវាងចិននឹងកោះតៃវ៉ាន់ទៀត នោះឡើយ ”។ប៉ុន្មានថ្ងៃកន្លងមក ពលរដ្ឋកោះតៃវ៉ាន់ បង្ហាញការព្រួយបារម្ភយ៉ាងខ្លាំងពីការ ដាក់បញ្ចូលកោះតៃវ៉ាន់ក្រោមការគ្រប់ គ្រងទាំងស្រុង ដោយរដ្ឋាភិបាលទីក្រុង ប៉េកាំង ដូចកោះហុងកុង និងម៉ាកាវ ក្រោយពេលចិនបានអញ្ជើញគណៈប្រតិភូ តៃវ៉ាន់ដែលស្និទ្ធនឹងរដ្ឋាភិបាលចិនបំពេញ ទស្សនកិច្ចឥតឈប់ឈរទៅកាន់ទីក្រុង ប៉េកាំង ។
កន្លងមក មេដឹកនាំចិន ស៊ីជីនពីង ក៏ធ្លាប់បានប្រកាសថា ការឯកភាពជាតិ ដោយសន្ដិភាព និងអនុវត្ដប្រទេសមួយ របបពីរជារឿងសំខាន់ ក្នុងការដោះស្រាយ វិបត្ដិកោះតៃវ៉ាន់ ។ ចិនតែងតែមាន បំណងគ្រប់គ្រងកោះតៃវ៉ាន់ តាមបែប ប្រទេសមួយរបបពីរដូចដែលបានអនុវត្ដ នៅកោះហុងកុងអ៊ីចឹងដែរ ។ ចំណែក ពលរដ្ឋតៃវ៉ាន់ តែងតែចង់បានឯករាជ ពេញលេញពីចិនដីគោក ដោយមិនចង់ ស្ថិតក្នុងគំនាបរបស់ចិនទៀតឡើយ ។
តៃវ៉ាន់ខិតខំពង្រឹងការទិញសព្វាវុធទំនើបៗ ដូចជាការត្រៀមលក្ខណៈទប់ទល់នឹងការវាយប្រហាររបស់ចិន ។ កន្លងមកចិន ក៏បានគំរាមកំហែងវាយប្រហារទៅលើ កោះតៃវ៉ាន់ប្រសិនបើកោះនេះប្រកាស ឯករាជភាពផ្ដាច់ខ្លួនពីចិនដីគោកនោះ ។ ចិនបានសម្របកាំជ្រួចមីស៊ីលរាប់ពាន់ ដើមមកលើកោះតៃវ៉ាន់ ត្រៀមវាយ ប្រហារនៅពេលកោះនេះប្រកាសឯករាជ ។
