បន្ទាយមានជ័យ៖ គ្រឿងឧបភោគបរិភោគនិងថវិការត្រូវបានសប្បរសជន ដែលអាជីវកររោងម៉ាស៊ីន របស់ក្រុមហ៊ុនបៃតង ដឹកនាំដោយលោកឧកញ៉ាអ៊ឹង វណ្ណម៉ៅ នាំយកទៅជូនដល់ ទីបញ្ជាការកងរាជអាវុធហត្ថខេត្តបន្ទាយមានជ័យដើម្បីរួមចំណែកក្នុងការការពារសន្តិសុខ សុវត្តិភាពជូន ប្រជាពលរដ្ឋ។
ការប្រគល់ជូន នេះប្រព្រឹត្តទៅក្រោមវត្តមាន ឯកឧត្ដម បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ លោកវរះសេនីយ៍ វង្ស ធី មេបញ្ជាការរង នាទីបញ្ជាការកងរាជអាវុធហត្ថខេត្តបន្ទាយមានជ័យ ស្ថិតនៅភូមិគោរដ្ឋានសង្កាត់អូអំបិល ក្រុងសិរីសោភ័ណ ខេត្តបន្ទាយមានជ័យ។
គ្រឿងឧបភោគបរិភោគនិងថវិការរួមមាន ៖ អង្ក ៨តោន មី១០០កេស ទឹកសុទ្ធ២០០យួរ និងទឹកប្រាក់ចំនួន ១ លានរៀល ក្នុងនោះសប្បរសជនដែលបានចូលរួមមាន ៖
លោក អ៊ឺង វណ្ណម៉ៅ និងភរិយា ទឹកសុទ្ធចំនួន ២០០យួរ និង មីជាតិចំនួន ១០០ កេស លោក ង៉ែត រ៉ាន់ដា និងភរិយា អង្ករចំនួន ៣ តោន (បីពាន់គីឡូ) លោក ម៉េង បូរ៉ាន់ និងភរិយា អង្ករចំនួន ២ តោន (ពីពាន់គីឡូ) លោក ហ្វាង វី និង ភរិយា អង្ករចំនួន 1 តោន(មួយពាន់គីឡូ) លោក ភាគ ឈួយ និងភរិយា អង្ករចំនួន ១ តោន (មួយពាន់គីឡូ) លោក ផាប វិបុល និងភរិយា អង្ករចំនួន0,5តោន (ប្រាំរយគីឡូ) លោក រុន ច័ន្ទណូយ និងភរិយា អង្ករចំនួន 1តោន (មួយពាន់គីឡូ) និងលោក លោក លឹម សេង និងភរិយា ទឹកប្រាក់ចំនួន ១លានរៀល។
ឯកឧត្ដម បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ថ្លែងអំណគុណដល់សប្បរស់ជនជាពិសេសលោក ឧកញ៉ា អ៊ឹង វណ្ណម៉ៅដែលបានគៀងគរសប្បរសជន នាំគ្រឿងបរិភោគឧបភោគ ជួយផ្គត់ផ្គង់ដល់ កងកម្លាំងសំរាប់គ្រប់បេសកកម្មបំរើ ការពារ សន្តិភាព ជូនពលរដ្ឋ។
ឯកឧត្ដម បោន ប៊ិន សំណូមពរដល់ក្រុមអាជីវកររក្សាប្រណីចែករំលែកនេះ ដើម្បីអោយកងកម្លាំងអាវុធហត្តខេត្ត រិតតែមាន ភាពខ្លាំងប្រកបដោយប្រសិទ្ធភាពក្នុងការ សន្តិភាពជូនជាតិនិងមាតុភូមិ។ដោយ៖ឃិន គន្ធា
