ខេត្តបន្ទាយមានជ័យ: ក្នុងវត្តព្រះពន្លា ស្ថិតនៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បានធ្វើពិធី បញ្ចុះបឋមសិលាសាងសង់ឧបដ្ឋានសាលា ១ខ្នងដែលមានទំហំ៣៩ម៉ែត្រ×២៩ម៉ែត្រដែលចំណាយទឹកប្រាក់អស់ជាង១លានដុល្លានាល្ងាច ថ្ងៃទី ២៥ ខែ មិថុនា ឆ្នាំ ២០២៣។
មានវត្តមានចូលរួម លោកជំទាវ ហេមចិត្តា អគ្គមហាឧបាសិកា ពុទ្ធសាសនូបត្ថម្ភន៍ បណ្ឌិត ម៉ៅ ម៉ាល័យ កែគឹមយ៉ាន លោក ហ៊ឹល រ៉ាយ៉ា អភិបាលរងខេត្តបន្ទាយមានជ័យ លោក ស្រេង សុផល អភិបាល ក្រុងសិរីសោភ័ណ ព្រមទាំងពុទ្ធបរិស័ទជិតឆ្ងាយ ជាច្រើនរយនាក់។
ព្រះតេជគុណ យឿន សាមឿត ព្រះចៅអធិការវត្តព្រះពន្លាមានសង្ឃដិកាថា ក្នុងពិធីបញ្ចុះបឋមសិលាសាងសង់សាលាឆាន់ថ្មី១ខ្នងនេះមានទំហំទទឹង២៩ ម៉ែត្រ Xនឹងបណ្ដោយ ៣៩ ម៉ែត្រ តំលៃប៉ាន់ស្មានមានរហូតដល់ទៅ១.០០០.០០០ដុល្លាឯណោះ ដើម្បីតម្រូវការចាំបាច់សម្រាប់ពុទ្ឋបរិស័ទធ្វើបុណ្យសុនទរ៍ទានតាមប្រពៃណីន៨ងការកសាងសាលាឆាន់ថ្មី១ខ្នងនាពេលនេះដោយសារប្រទេសជាតិយើងមានសុខសន្តិភាពពេញលេញពេញទាំងផ្ទៃប្រទេសក្រោមការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជាដែលមានសម្ដេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា ធ្វើឲ្យប្រទេសជាតិយើងឈានទៅរកភាពសំបូររុងរឿង។
ព្រះតេជគុណ យឿនសាមឿត ព្រះគ្រូចៅអធិការវត្តព្រះពន្លា
ព្រមទាំងលោកគ្រូអាចារ្យគណៈកម្មការពុទ្ធបរិស័ទចំណុះជើងវត្តទាំងអស់សូមថ្លែងអំណរគុណយ៉ាងជ្រាលជ្រៅមិនអាចកាត់ថ្លៃស្មើបានចំពោះលោកម្ចាស់ទាន អ្នកមានចិត្តបុណ្យ។ដោយ៖ឃិន គន្ធា
