(កំពង់ធំ)÷ ឯកឧត្តម ឃឹង នុភាព ប្រធានក្រុមការងាររបស់គណបក្សប្រជាជនកម្ពុជាចុះជួយស្រុកប្រាសាទសំបូរ ព្រឹក ថ្ងៃទី ១៦ ខែកក្កដា ឆ្នាំ ២០២៣ ក្នុងឱកាសជួបសំណេះសំណាលសមាជិកសមាជិកាគណបក្ស ប្រជាជន កម្ពុជា ស្ថិតនៅភូមិទំនប់ ឃុំស្រើង ស្រុកប្រាសាទសំបូរ ខេត្តកំពង់ធំ ប្រមាណ ជាង ៤០០នាក់
បានមានប្រសាសន៍ប្រាប់ ដល់បងប្អូន សមាជិកគណបក្ស ទាំងអស់ ត្រូវ គូស សន្លឹក ឆ្នោត ដោយ មាន ការ ប្រុងប្រយ័ត្ន គឺ ត្រូវ គូស ឱ្យ ចំ ក្នុង ប្រអប់ បួន ជ្រុង ប្រសិនបេី មាន ការ ខូចខាត យេីង អាច សុំ ប្តូរ យក សន្លឹក ឆ្នោត ថ្មី វិញ ភ្លាមៗ បាន ពោលគឺ ត្រូវ រក្សា គោលជំហរ សមាជិក បក្ស១នាក់ រាប់ ជា សន្លឹក ឆ្នោត បាន ការ១សន្លឹក ដោយប្តេជ្ញាគាំទ្រ បេក្ខភាពសម្តេចហ៊ុន សែន ជានាយករដ្ឋមន្ត្រី។
បន្ទាប់ពីឯកឧត្តម ញ៉ឹក បានខេង អនុប្រធានអចិន្ត្រៃយ៍គណបក្សខេត្ត និងជាប្រធានក្រុមការងារចុះជួយឃុំស្រើង បានមានប្រសាន៍ណែនាំ ដល់ សកម្មជន និងយុវជនបក្ស ឱ្យ បន្តចុះទៅតាមខ្នងផ្ទះរបស់ប្រជាពលរដ្ឋ ដើម្បីសួរសុខទុក្ខ និងបង្រៀន អំពី ការ គូសសន្លឹកឆ្នោតឱ្យបានផុលផុស ក៏ដូចជាការត្រៀមពេលវេលា និងអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណ បម្រើ ឱ្យ ការបោះឆ្នោត សម្រាប់ប្រើនៅថ្ងៃបោះឆ្នោត ឱ្យ បាន គ្រប់ៗគ្នា រួចមក
ឯកឧត្តម ឯកឧត្តម ឃឹង នុភាព ប្រធានក្រុមការងាររបស់គណបក្សប្រជាជនកម្ពុជាចុះជួយស្រុកប្រាសាទសំបូរ បានថ្លែងអំណរគុណដល់សមាជិកសមាជិកាគ្រប់រូប ដែលបានជឿជាក់មកលើគណបក្សប្រជាជនកម្ពុជា និងបានការគាំទ្របោះឆ្នោតជូនគណបក្សប្រជាជនកម្ពុជា ពេល កន្លង មក ព្រមទាំង ការប្តេជ្ញា ចូលរួមបោះឆ្នោត ជ្រេីសតាំង តំណាង រាស្ត្រ អាណត្តិ ទី ៧ នៅថ្ងៃទី២៣ ខែកក្កដា ឆ្នាំ ២០២៣ ខាងមុខនេះ ដើម្បីគាំទ្រ បេក្ខភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៅអាណត្តិនេះ និង អាណត្តិបន្តបន្ទាប់ និងប្តេជ្ញាគាំទ្របេក្ខភាព ឯកឧត្តមបណ្ឌិត ហ៊ុន ម៉ាណែត ជាបេក្ខជននាយករដ្ឋមន្ត្រីសម្រាប់ពេលអនាគត ។
ជាមួយគ្នា នោះ ឯកឧត្តម ឃឹង នុភាព ក៏បានលើកឡើងអំពីសមិទ្ធផលធំៗដែលរាជរដ្ឋាភិបាលដឹកនាំដោយគណបក្សប្រជាជនកម្ពុជា សម្រេចបានរហូតមកដល់ពេលនេះ ដែលបានធ្វើ ឱ្យ ប្រទេសជាតិមានការរីកចម្រើនឥតឈប់ឈរលើគ្រប់វិស័យគួរជាទីមោទនៈ ដូច្នេះយើងត្រូវរួមគ្នាថែរក្សា ឱ្យ បាន គង់វង្សនូវសុខសន្តិភាព ដែលរកបានដោយកម្រ ក្រោមការ ដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ។
ចុងក្រោយ ឯកឧត្តម ឃឹង នុភាព និង ឯកឧត្តម ញ៉ឹក បានខេង ព្រមទាំងក្រុមការងារ បានធ្វើការបង្រៀនដល់សមាជិក សមាជិកាគណបក្សប្រជាជនកម្ពុជាឱ្យកាន់តែយល់ច្បាស់និងចេះគូសសន្លឹកឆ្នោតអោយបានត្រឹមត្រូវផងដែរ។
