ខេត្តកំពង់ស្ពឺ ៖ សេដ្ឋកិច្ចទូទាំងខេត្តកំពង់ស្ពឺ កំពុងតែមានការរីកចំរើនយ៉ាងខ្លាំង ក្នុងរយៈ ១០ឆ្នាំ ចុងក្រោយនេះ ទទួលបានប្រាក់ចំណូលប្រមាណជាង ១១ លានដុល្លា ក្នុងមួយខែ គឺដោយសារតែមានការយកចិត្តទុកដាក់ខ្ពស់ ពីប្រមុខថ្នាក់ដឹកនាំប្រទេសជាតិ ជាពិសេសក្រោយនយោបាយដ៍
ត្រឹមត្រូវ របស់គណបក្សប្រជាជន ។ក្នុងរយៈពេល១០ ចុងក្រោយនេះខេត្តកំពង់ស្ពឺ មានការអភិវឌ្ឍន៍យ៉ាងខ្លាំងស្ទើរគ្រប់វិស័យ ក្នុងនោះទាំងសេដ្ឋកិច្ច ហេដ្ឋារចនាសម្ព័ន្ធ និងជីវភាពរស់នៅរបស់ប្រជាពលរដ្ឋ ត្រូវបានលើកំពស់ យ៉ាងឆាប់រហ័ស តាមរយៈការទទួលបាននូវមុខរបរ និងប្រាក់ចំណូលពីបណ្តារោងចក្រ សហគ្រាសគ្រប់ប្រភេទចំនួន១០៦កន្លែង មានផលិតកម្មមូលដ្ឋាន ៦.៦២៧ ទីតាំង ហើយបានផ្តល់ការងារជួនប្រជាពលរដ្ឋជាង ១០ ម៉ឺននាក់ ដែលគិតជាមធ្យមចំណូលទទួលបាន សរុបប្រមាណជាង ១១ លានដុល្លាអាមេរិករៀងរាល់ខែ ។
ក្រៅពីនោះមានសេវាកម្មពាណិជ្ជកម្ម ចំនួន ៤.៦១៦ កន្លែង មានអ្នកបម្រើសេវាកម្មជាង ៧.៣១៧ នាក់ ។ នេះបើតាមការអះអាង របស់លោកអ៊ូ សំអួន អភិបាលខេត្ត បានថ្លែងកាលពី ថ្ងៃទី២៧ ខែតុលា ឆ្នាំ២០១៤ ក្នុងពិធីប្រារព្វខួបលើកទី១០ នៃការឡើងគ្រងរាជសម្បត្តិ របស់សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ។លោកអភិបាលខេត្តបន្តថា ទូទាំងខេត្តមាន ក្រុមហ៊ុនចំនួន ២៧ ដែលទទួលសិទ្ធវិនិយោគដីសម្បទានសេដ្ឋកិច្ច ពីរដ្ឋាភិបាល ក្នុ្ងងនោះស្ថិតនៅក្រោមការគ្រប់គ្រងដោយ ក្រសួងបរិស្ថានចំនួន ១៣ ក្រសួងកសិកម្ម រុក្ខាប្រមាញ និងនេសាទចំនួន ១០ ក្រុមហ៊ុន និងក្រោមការគ្រប់គ្រងរបស់ អនុគណៈកម្មាធិការ វិនិយោគថ្នាក់ខេត្តមាន ចំនួន ៤ ក្រុមហ៊ុនទៀត ។
លោកបន្តថា លើផ្ទៃដីអាចដំណើរការជាក់ស្តែង ៥៥.៨៦៨ ហិចតា កំពុងដំណើរការ ដាំដំណាំងកសិឧស្សាហកម្មថមានដូចជា ៖ អំពៅ ដើមម៉ៃសាក់ ដំឡូងមី ដើមប្រេងខ្យល់ ដើមអាកាស្យា ល្ហុងខ្វងជា កៅស៊ូ និងដំណាំងផ្សេងៗទៀត ។លោកអ៊ូ សំអួន អភិបាល ខេត្តកំពង់ស្ពឺ បានបញ្ជាក់ថា សម្រាប់ការរីចំរើនទាំងនេះ ដោយសារតែមានការយកចិត្តទុកខ្ពស់ របស់ប្រមុខថ្នាក់ដឹកនាំ គណបក្សប្រជាជនកម្ពុជា មានសម្តេចតេជោហ៊ុន សែន ជានាយករដ្ឋមន្ត្រី និងថ្នាក់ដឹកនាំជាន់ខ្ពស់ដរទៃទៀត ក្នុនោះក៍មានចូលរួមពីអង្គការសង្គមស៊ីវិល ព្រមទាំងប្រជាពលរដ្ឋផងដែរ ។
សូមបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ក្នុងខេត្តកំពង់ស្ពឺ បានកកើតរោងចក្រ សហគ្រាសតូវធំ ជាច្រើនជាពិសេស នៅស្រុកសំរោងទង គងពិសី និងក្រុងច្បារមន ហើយរោងចក្រទាំងអស់នោះ បានស្រូបយកកំលាំងពលកម្មយ៉ាងច្រើនសន្ធឹកសន្ធាប់រាប់សែននាក់ ក្នងប្រាក់ចំណូលរបស់ប្រជាពរដ្ឋក៍កើនឡើង ។ ដោយភាពរីដុះដាលរោងចក្រសហគ្រានច្រើនបែបនេះ មានក្រុកខ្លះបែរជាទៅខ្លះលាំងកម្មករ ដើម្បីដំណើរការចង្វាក់ផលិតកម្មរបស់ខ្លួនទៅវិញ ៕
