ភ្នំពេញ: រថយន្តឡិចស៊ីស RX300 មួយគ្រឿងដែលបញ្ជាដោយនារីរូបស្រស់ម្នាក់ សង្ស័យ មាន ជាតិស្រវឹងក្នុងខ្លួននោះ បានបួងសង្កូតបោះពួយទៅបុកបង្គោលភ្លើងស្តុបរងការខូចខាត បន្តិចបន្តួច កាលពីវេលាម៉ោង ១និង៣០នាទីយប់ឈានចូល ថ្ងៃទី០៣ ខែវិច្ចិកា ឆ្នាំ២០១៤ នៅចំណុចស្តុប សន្ធរម៉ុក តាមបណ្តោយផ្លូវកម្ពុជាក្រោមកែងនិងផ្លូវ ម៉ៅសេទុង សង្កាត់ផ្សារដេប៉ូ២ ខណ្ឌទួលគោក។
តាមប្រភពព័ត៌មាននៅកន្លែងកើតហេតុបានឲ្យដឹងថា គេបានឃើញ រថយន្តឡិចស៊ីស RX300 ពណ៌ខ្មៅ ពាក់ស្លាក់លេខ ភ្នំពេញេ 2K-5288ដែរបើកបរដោយនារីម្នាក់ និងរួមដំណើរ ជាមួយនិង ប្រុសម្នាក់ទៀត បានបើកតាមបណ្តោយផ្លូវម៉ៅសេទុងក្នុងទិសពីជើងទៅត្បូង លុះមកដល់ចំណុចកើតហេតុ ដោយព្យាយាមបួងចង្កូតបត់ឆ្វេង មកផ្លូវកម្ពុជាក្រោម ក៏ជ្រុលទៅបុកនិងបង្គោលភ្លើងស្តុបបណ្តោយឲ្យរថយន្តខូចខាតមុខផ្នែកខាងក្រពិតកាង ហើយចំណែបង្គោលភ្លើងស្តុបវិញ បានខូចខាតបន្តិចបន្តួចប៉ុណ្ណោះ ។បន្ទាប់សមត្ថកិច្ចប៉ុស្លិ៏ នគរបាល ផ្សារដេប៉ូ២ បានចុះមកដល់ កន្លែងកើតហេតុក៏បានឲ្យរថយន្តបើកចេញទៅ ដោយ ស្រួល ដូចជាគ្មានរឿងអ្វីកើតឡើងចឹង។
ប្រជាពលរដ្ធនៅកន្លែងកើតហេតុ បាន រិះគន់ចំពោះសមត្ថកិច្ច ខាងលើថា ហេតុអ្វីបានជាលោក សមត្ថកិច្ចឲ្យរថយន្ត បង្កហេតុ នេះ បើកចេញដោយ ស្រួល យ៉ាងនេះ ចុះបើកសិនជាម្ចាស់រថយន្ត នេះ បើកទៅខាងមុខទៅ បុកគេទៀតតើគិតយ៉ាងម៉េច ? ឬមួយក៏ម្ចាស់រថយន្តនេះត្រូវបងប្អូន របស់លោកសមត្ថកិច្ច ។ ប្រជាពលរដ្ធបានបន្តទៀតថា នេះចំពោះបង្គោលភ្លើងស្តុបគេ បើករថយន្តបុកប៉ុនឹងហើយ ចុះទ្រោមមនុស្សវិញមិនដឹងទៅជាយ៉ាងណានោះទេ ។