ភ្នំពេញ៖ រថយន្ត២គ្រឿង ១គ្រឿងម៉ាកកូរ៉ូឡា បើកបរយ៉ាងលឿនដល់ចំណុចផ្លូវកែងមិនបន្ថយ ល្បឿន ក៏ជ្រុលបុកគ្នាពេញទំហឹង មួយរថយន្តមួយគ្រឿងទៀតម៉ាក កាមរីគូទហើម ធ្វើឲ្យរថយន្តទាំងពីររងកាខូចខាត់ យ៉ាងដំណំ កាលពីវលេម៉ោង៣ នឹង ៣០ នាទីទាបភ្លឺ ថ្ងៃទី ១០ ខែមិនា ឆ្នាំ ២០១៤ នៅចំណុចភ្លើងស្តុបទួលគោក ផ្លូវសហពន្ធ័រុស្ស៊ី កែងផ្លូវលេខ ២៨៩ សង្កាត់ផ្សារដេប៉ូ៣ ខណ្ឌទួលគោក ។
យោងតាមប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថាមុនពេលកើតហេតុ រថយន្តកូរ៉ូឡាមួយគ្រឿង ពណ៌ស ពាក់ស្លាកលេខភ្នំពេញ 2J-0060 បើកបរដោយបុរសម្នាក់ជនជាតិចិនម្នាក់និងរួមដំណើរជាមួយបុរសចិនម្នាក់ទៀត បានធ្វើដំណើរតាម បណ្តោយផ្លូវ
លេខ ២៨៩ ក្នុងទិសដៅពីជើងទៅត្បូងក្នុងល្បឿនយ៉ាងលឿន លុះដល់ចំណុចផ្លូវកែងសហពន្ធ័រុស្ស៊ី មិនបន្ថយល្បឿនក៏ជ្រុលទៅបុកចំផ្នែកខាងឆ្វេងរថយន្តកាមរីគូទហើម មួយគ្រឿង ពណ៌ស ពាក់ស្លាកលេខភ្នំពេញ 2E-0743 កំពុងបើកបរធ្វើដំណើរ តាមផ្លូវសហពន្ធ័រុស្ស៊ី ទិសដៅពីលិច ទៅកើតធ្វើឲ្យរថយន្តទាំងពីរបុកគ្នា យ៉ាងពេញទំហឹង បណ្តាលឲ្យរថយន្តទាំងពីរ រងការខូចខាតទាំងស្ទឺរទាំង ស្រុង។ គ្រោះថ្នាក់ចរាចរណ៏នេះមិនបណ្តាលឲ្យមានមនុស្សរងរបួសឡើយ ។
សមត្ថកិច្ចមូលដ្ឋានបានបញ្ជាក់ថាក្រោយកើតហេតុសមត្ថកិច្ចមូលដ្ឋាន នឹងនគរបាលចរាចរណ៍ខណ្ឌ ទួលគោក បានសហការជាមួយនគរបាលជំនាញចុះវែងអូសយកទៅរក្សាទុកនៅការិយាល័យចរាចរផ្លូវគោករាជធានី ភ្នំពេញរង់ចាំនាពេលក្រោយ។
