ចិន៖ ប្រភពទាហានជើងទឹចិនបានបញ្ចាក់ថាថានាវាចម្បាំងចំនួនពីរ នៃកងទ័ពជើងទឹកចិន "Jinggangshan" និង "Mianyang" កំពុងធ្វើដំណើរ ទៅកាន់តំបន់សមុទ្រ ដែលជាកន្លែង យន្តហោះក្រុមហ៊ុន អាកាសចរណ៍ម៉ាឡេស៊ី MH370 បានធ្លាក់ ។
នាវា "Jinggangshan" បានផ្ទុក ជាមួយឧបករណ៍សង្គ្រោះជីវិត ឧបករណ៍រុករក នៅក្រោមទឹក និងការផ្គត់ផ្គង់ ទឹក និងអាហារ បាននាំចេញពីទីក្រុង ស៊ាន់ជាង នៃខេត្តក្វាងទុង ភាគខាងត្បូងប្រទេសចិននៅប្រហែលម៉ោង ៣ព្រឹក កាលពីថ្ងៃអាទិត្យសម្រាប់បេសកកម្មស្វែងរក និងជួយសង្គ្រោះ។
ឧទ្ធម្ភាគចក្រចំនួន២គ្រឿង បុគ្គលិកពេទ្យចំនួន៣០នាក់ អ្នកមុជទឹកចំនួន១០នាក់ និងទ័ពម៉ារីនចំនួន៥០នាក់ ក៏មានវត្តមាន នៅលើនាវានេះផងដែរ ។
នាវាកងទ័ពជើងទឹកចិនមួយទៀតឈ្មោះថា "Mianyang" បានចាកចេញ ទៅរកកន្លែងដែលយន្តហោះ ធ្លាក់ នៅយប់ថ្ងៃសៅរ៍ ។
លោក Li Keqiang ថ្នាក់ដឹកនាំប្រទេសចិន កាលពីថ្ងៃសៅរ៍កន្លងទៅនេះ បានស្នើឲ្យប្រទេស ម៉ាឡេស៊ី ឆាប់ធ្វើប្រតិបត្តិការស្រាវជ្រាវ និងជួយសង្គ្រោះជនរងគ្រោះ ដែលបានបាត់ខ្លួន ក្នុងហេតុការណ៍ធ្លាក់យន្តហោះ របស់ម៉ាលេស៊ី។ នេះបើយោងតាមការលើកឡើងរបស់លោក Li Keqiang ក្នុងកិច្ចសន្ទនាតាមទូរស័ព្ទ ជាមួយលោក Najib Razak នាយករដ្ឋមន្ត្រីម៉ាលេស៊ី។
ទីភ្នាក់ងារសារព័ត៌មាន ចិនស៊ិនហួ ចុះថ្ងៃទី០៨ ខែមីនា ឆ្នាំ២០១៤នេះបានឲ្យដឹងថា លោក Najib បានសម្តែងក្តីអាណិតអាសូរ និងចូលរួមរំលែកទុក្ខ ចំពោះក្រុមគ្រួសាររបស់ជនរងគ្រោះដែលកំពុងបាត់ខ្លួន។
លោកនាយករដ្ឋមន្ត្រីរូបនេះ បានលើកឡើងថា រដ្ឋាភិបាលម៉ាលេស៊ី នឹងខិតខំប្រឹងប្រែងឲ្យអស់លទ្ធភាព ក្នុង ការស្រាវជ្រាវ និងជួយសង្គ្រោះជនរងគ្រោះ។ មិនតែប៉ុណ្ណោះ លោកនឹងបញ្ជូនក្រុមការងារទៅកាន់ប្រទេស ចិន ដើម្បីជួយដោះស្រាយបញ្ហាពាក់ព័ន្ធនានា៕
