នាយករដ្ឋមន្ត្រី​អី​រ៉ាក់​៖ អារ៉ាប៊ីសាអ៊ូឌីត និង​កាតា​បាន​ប្រកាស់សង្គ្រាម

​នាយករដ្ឋមន្ត្រី​អីុរ៉ាក់ លោក​នូ​រី​អាល់​ម៉ាលី​គី កាលពី​ថ្ងៃ​ទី​៨ មីនា បាន​ចោទប្រកាន់​ប្រទេស​អារ៉ាប៊ីសាអ៊ូឌីត និង​កាតា​ថា​បង្ក​អស្ថេរភាព​នៅ​អីុរ៉ាក់

ដោយ​ជួយ​ទ្រទ្រង់​ដល់​បណ្តា​ក្រុម​បះបោរ ដែល​លោក​ថា​នោះ​ជា​ការប្រកាសសង្គ្រាម​ចំពោះ​ប្រទេស​លោក ។  ​ក្នុង​បទសម្ភាសន៍​មួយ​ជាមួយ​ទូរទស្សន៍​បារាំង FRANCE -24 លោក​ម៉ាលី​គី បរិហារ​ថា​ប្រទេស​ទាំង​២​វាយប្រហារ​អីុរ៉ាក់​តាមរយៈ​ប្រទេស ស៊ី​រី ហើយ​ធ្វើ​ដោយផ្ទាល់​ទៀតផង រួច​ប្រទេស​ទាំង​២ ប្រកាសសង្គ្រាម​ចំពោះ​អីុរ៉ាក់ ។ នេះ​ជា​ការវាយប្រហារ​ដោយផ្ទាល់​ដ៏​កម្រ​មួយ​ប្រឆាំង​មហាអំណាច ស៊ុន​នី​ត​ទាំង​២​នោះ​នៅ​តំបន់​ឈូង​សមុទ្រ​ពែ​រ្ស៍ ។ លោក​មានប្រសាសន៍ថា ប្រទេស​ទាំង​២​ជា​អ្នកទទួលខុសត្រូវ​ដំបូង​គេ​ចំពោះ​អំពើ​ហិង្សា​អន្តរ​សហ គ​មន៍ ភេរវកម្ម​និង​វិបត្តិ​សន្តិសុខ​នៅ​អីុរ៉ាក់ ។  

​លោក​ម៉ា លី​គី បន្តថា ទីក្រុង​វីយ៉ា​ដ និង​ក្រុង​ដូ​ហា​ជា​អ្នក​ផ្តល់​ការគាំទ្រ​ខាង​នយោបាយ ហិរញ្ញវត្ថុ និង​ខាង​ការឃោសនា​ចំពោះ​ពួក​បះបោរ ហើយ​ចោទប្រកាន់​ប្រទេស​ទាំង​២ ថា​ទិញ​អាវុធ​ផ្តល់ឱ្យ​បណ្តា​អង្គការ​ភេរវកម្ម ។ លោក​យល់ថា អា​រ៉ាប៊ី​សាលូ​ឌី​ត ជា​អ្នកគាំទ្រ​សំខាន់​ដល់​ភេរវកម្ម​លើ​ពិភពលោក ៕ 

130613212402-07-iran-elections-0613-horizontal-gallery